00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri Ngabitsinze mu ndashyikirwa zashimiwe guteza imbere Karate (Amafoto)

Yanditswe na IGIHE
Kuya 5 February 2024 saa 07:05
Yasuwe :

Binyuze mu marushanwa yiswe "The Legend Karate Open Competition Edition One" yabaye tariki ya 3 Gashyantare, The Champions Sports Academy na Kigali Elite Sports Academy (KESA) zafatinyije gusubiza abanyabigwi bakinnye uyu mukino mu kibuga kugira ngo bongere bagire ibyishimo byawo banatere imbaraga abakiri bato.

Aya marushanwa yabaye ku nshuro yayo ya mbere, akabera ahahoze Sportsview Hotel i Remera, yari afite insanganyamitsiko igira iti "Siporo ni ingenzi mu guhindura ubuzima."

Yitabiriwe n’abarimo Minisitiri w’Ubucuruzi n’Inganda, Dr Ngabitsinze Jean Chrysostome usanzwe ukina Karate, Shihan Sinzi Tharcisse, Sensei Master Rugeyo Rutingwa, Sensei Karamaga Barnabé n’abandi benshi.

Mu marushanwa yabaye harimo Kata [kwiyerekana] y’Abagabo bari hagati y’imyaka 35-45, aho hatsinze Niragire Samuel wa Mamaru Karate Do, akurikirwa na Bugabo Amir wa Zen Karate Do, mu gihe Rwiyamirira Kasmu wa Hero Karate Club yabaye uwa gatatu.

Muri Kumite [kurwana] y’Abagore hatsinze Uwimpuhwe Grace wa Hero Karate Club, akurikirwa na Irakoze Aline, Umulisa Yvette na Ishimwe Brigitte, bose bakinira Flying Eagles.

Mu cyiciro cy’abagabo bari hejuru y’ibilo 67 hatsinze Niyiitanga Khalifa, akurikirwa na Udahemuka Bertin na Kagimbi Paul, bose bakinira The Champions Sports Academy.

Mu cyiciro cya kabiri cy’abagabo batarengeje ibilo 67 hatsinze Dushimwe Sharifu wa The Champions, akurikirwa na Ndutiye Shyaka Roger wa The Great Warriors ndetse na Ishimwe Jean de Dieu wa The Champions Sports Academy.

Muri Kumite y’Abagabo bari hagati y’imyaka 35 na 45 hatsinze Nkurunziza Jean Claude wa KESA, akurikirwa na Bitangumutwenzi Concord wa Mamaru Karate Do, Nsabimana Wellars wa Kamonyi Karate Kayenzi na Bicamumpaka Epaphrodite wa Seiken.

Umuyobozi wa The Champions Sports Academy, Nkuranyabahizi Noël, yagize ati "Ni irushanwa ngarukamwaka rizajya rihuza abahoze bakina cyangwa bakanyujijeho muri Karate."

Igikorwa nyir’izina cyabaye icyo gushimira indashyikirwa aho abatoza bagize uruhare mu gukora abakinnyi bagiye mu Ikipe y’Igihugu, hashimwe Sinzi Tharcisse, Niragire Samuel, Bugabo Amir, Nkuranyabahizi Noël, Mwizerwa Dieudonné, Claret Antoine, Kumi Said na Gaga Didier.

Abakinnyi babaye indashyikirwa “b’abanyabigwi” mu bihe byashize harimo Twajamahoro Sylivestre (muri Kata), Munyeshyaka Vincent ‘Cyuma’ (muri Kumite), Umuhoza Aisha (muri Kata) na Solange Ingabire (muri Kumite).

Abarimu bahembewe ko bateje Karate imbere kandi bakomeje gufasha uyu mukino ni Sensei Sinzi Tharcisse, Sensei Master Rugeyo Rutinywa, Sensei Karamaga Barnabé na Sensei Dr. Ngabitsinze Jean Chrysostome.

Abandi bahawe ibihembo ni Umusifuzi Mwizerwa Dieudonné wateje imbere imisifurire akaba n’indashyikirwa mu gusifura ndetse n’Umutoza Nkuranyabahizi Noël wahembwe mu butoza.

Mbabazi Gilbert, Ingabire Christine na Uwase Delphine bashimiwe uruhare rwabo mu gutegura no guhuza ibikorwa bya Karate mu Rwanda.

Sensei Dr Ngabitsinze Jean Chrysostome usanzwe ari Minisiteri w'Ubucuruzi n'Inganda, yashimiwe uruhare agira mu guteza imbere Karate
Igikorwa cyo gushimira indashyikirwa muri Karate cyateguwe na The Champions Sports Academy ku bufatanye na KESA
Minisitiri Ngabitsinze yambika umudali Umutoza Nkoranyabahizi Noël
Muri iki gikorwa, habaye amarushanwa mu byiciro bitandukanye
Abakinnyi bitwaye neza mu bagore barashimiwe
Abakinnyi bitwaye neza mu bagabo bari hagati y'imyaka 35 na 45
Nkurunziza Jean Claude wa KESA na Nkuranyabahizi Noël wa The Champions Sports Academy

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .