U Buholandi buzahura na Costa Rica muri ¼

00:00:00 IGIHE NETWORK

KINYARWANDA

ENGLISH

FRANCAIS

U Buholandi buzahura na Costa Rica muri ¼

Yanditswe na

Tity Thierry Kayishema

Kuya 30 June 2014 saa 08:43

Yasuwe :

Yavuzweho:

U Buholandi bwatsinze Mexique ibitego 2-1 byo mu minota ya nyuma buzahura muri ¼ na Costa Rica yasezereye u Bugereki kuri penaliti 5-3 nyuma yo kunganya igitego 1-1.
U Buholande 2-1 Mexique
Ku munota wa 9, byabaye ngombwa ko umutoza w’u Buholandi, Luis Van Gaal asimbuza Nigel de Jong wari uvunitse hinjira Bruno Martins Indi.
Giovanni Dos Santos yatsindiye Mexique igitego ku munota wa 48 w’igice cya kabiri ku mupira watakajwe na Daley Blind, aterera ishoti muri metero 30. Mexique (…)

U Buholandi bwatsinze Mexique ibitego 2-1 byo mu minota ya nyuma buzahura muri ¼ na Costa Rica yasezereye u Bugereki kuri penaliti 5-3 nyuma yo kunganya igitego 1-1.

U Buholande 2-1 Mexique

Ku munota wa 9, byabaye ngombwa ko umutoza w’u Buholandi, Luis Van Gaal asimbuza Nigel de Jong wari uvunitse hinjira Bruno Martins Indi.

Giovanni Dos Santos yatsindiye Mexique igitego ku munota wa 48 w’igice cya kabiri ku mupira watakajwe na Daley Blind, aterera ishoti muri metero 30. Mexique yayoboye umukino kugeza hasigaye iminota 6.

Klaas Jan Huntelaar yasimbuye Robin Van Persie utahiriwe n’umukino ku munota wa 76.

Ku munota wa 88, Wesley Sneijder yishyuye ku ishoti rikomeye yatereye hanze y’urubuga rwa Mexique, mu mikino itanu yo gusezererwa (knockout), Sneijder aheruka gukinira u Buholandi mu gikombe cy’Isi yatsinzemo ibitego 5.

Mbere y’uko umukino urangira kapiteni wa Mexique, Raphael Marquez yakoreye ikosa kuri Arjen Robben hagatangwa penaliti ku munota wa 90+4. Huntelaar arayitsinda babona itike ya ¼ ku nshuro ya 6 ikurikirana.

Kuba ubushyuhe bwari kuri dogere 38.8C byatumye hagati mu mukino hatangwa ikiruhuko cy’iminota 3 (cooling breaks) aho abakinnyi bashobora kunywa amazi, aka karuhuko katanzwe ku munota wa 30 na 75.

U Buholandi bwatsinze imikino ibiri bakinnye tariki ya 29 Kamena ku bitego 2-1, mu gihe uwo Mexique yakinnye n’u Budage kuri iyi tariki batsinzwe 2-1.

Costa Rica 1-1 u Bugereki pen 5-3

Ku nshuro ya mbere Costa Rica yabonye itike ya ¼ mu gikombe cy’Isi, yanganyije n’u Bugereki igitego 1-1 bakina iminota 30 y’inyongera iyisezerera kuri penaliti 5-3.

Rutahizamu wa Arsenal, Joel Campbell yahanganaga na bagenzi be bakinana muri Olymiacos yatijwemo.

Kapiteni wa Costa Rica, Bryan Luiz yatsinze igitego ku munota wa 52 mbere y’uko umukinnyi we, Óscar Duarte ahabwa ikarita ya kabiri y’umuhondo ku munota wa 66 ikosa yakoreye Cholevas.

Sokratis Papastathopoulos yagomboye ku munota wa 90+1, byatumye amakipe akina iminota 30 y’inyongera kugera no kuri penaliti. Ni ku nshuro ya mbere mu gikombe cy’Isi, mu mikino ibiri ya 1/8 hitabazwa penaliti.

Amakipe yombi yinjije penaliti 3 za mbere maze Umugereki Theofanis Gekas ateye iya kane ikurwamo n’umunyezamu Keylor Navas. Michael Umaña yinjiza iya gatanu ya Costa Rica bituma izahura n’u Buholande muri ¼.

U Buholandi buzakina na Costa Rica kuwa Kane tariki ya 5 Nyakanga 2014 saa 22.00 kuri Arena Fonte Nova.

Cooling breaks: Kubera ubushyuhe bukabije buri muri Brazil hatowe itegeko ko igihe ubushyuhe buri hejuru ya dogere 32C hatangwa umwanya ku bakinnyi bakanywa amazi ndetse bakishyiraho ibintu bituma bagira amafu.

Aka karuhuko kamara iminota 3 kagatangwa ku munota wa 30 na 75, umupira ugashyirwa hanze y’ikibuga.Iminota ntihagarara ahubwo bayongeraho nyuma ya buri gice. Ntigatangwa ku mikino yose kuko biterwa ni uko ikirere kimeze.