Mu ijoro ryo ku wa Gatandatu, tariki ya 12 Mutarama 2024, ni bwo irushanwa rihuza amakipe akomeye ya ruhago muri Afurika ryafunguwe ku mugaragaro, mu muhango wabereye kuri Stade Olympique Alassane-Ouattara d'Ebimpé.

Mbere y’uko ibirori bitangira, Umunyamabanga Mukuru w OIF, Louise Mushikiwabo, yifashishije urukuta rwa X yahoze ari Twitter, agaragaza agaciro ko kwakira iyi mikino muri Afurika.

Ati “Dushimiye Côte d'Ivoire ku bwo gutangiza Igikombe cya Afurika kigiye gukinwa ku nshuro ya 34. Ni irushanwa rigaragaza ubwiza bw’umupira w’Abanya-Afurika ku Isi hose no guhuzwa n'urukundo rw'umukino. Mureke twishime binyuze mu mikino gusa hejuru ya byose amahirwe masa ku makipe yose.”

Igikombe cya Afurika cyatangiye gukinwa gihereye ku mukino wahuje Côte d'Ivoire yakiriye ikanatsinda Guinée-Bissau ibitego 2-0. Imikino 54 ni yo izaba igize iri rushanwa rizarangira ku wa 11 Gashyantare 2024.

Umunyamabanga Mukuru w'umuryango w'ibihugu bikoresha ururimi rw'Igifaransa (OIF), Louise Mushikiwabo, yifurije amahirwe masa amakipe ari mu Gikombe cya Afurika
Umunyamabanga Mukuru w'umuryango w'ibihugu bikoresha ururimi rw'Igifaransa (OIF), Louise Mushikiwabo, yifurije amahirwe masa amakipe ari mu Gikombe cya Afurika
Côte d'Ivoire yashimiwe ku bwo gutangiza CAN 2023
Côte d'Ivoire yashimiwe ku bwo gutangiza CAN 2023
Umukino wa mbere wa CAN 2023 wahuje Côte d'Ivoire na Guinée-Bissau\
Umukino wa mbere wa CAN 2023 wahuje Côte d'Ivoire na Guinée-Bissau\