Kuri uyu wa Mbere, tariki ya 31 Kanama 2026, ni bwo Lionel Messi yifashishije imbuga nkoranyambaga ze, atangariza abakunzi b’umupira w’amaguru ko muri Argentine iby’uyu mwanzuro we.

Yagize ati “Mu bihe byatambutse nyuma y’umukino wa nyuma w’Igikombe cy’Isi, no gutekereza cyane, ndashaka ko buri wese amenya ko nasezeye ku gukinira Ikipe y’Igihugu. Ni umwanzuro ubabaje kandi ukomeje gushengura umutima, ariko igihe cyageze.”

“Mbarahiriye nahoze nifuza gutanga byose mfite, bitari muri iyi myaka ya vuba itambutse twegukanyemo amarushanwa menshi. Nahoraga ntanga byose ku bw’umwambaro nabaga nambaye no ku bwo kugira ngo mwishimire kuba Abanya-Argentine binyuze mu mupira w’amaguru.”

Yongeyeho ko nubwo asezeye gukinira Ikipe y’Igihugu, yiteguye kongera gutanga umusanzu we mu kuyishyigikira mu bundi buryo, kuko akiyikunda kandi azahora ayikunda.

Uyu mukinnyi bamwe mu bakunzi ba ruhago bafata nka nimero ya mbere ku Isi muri ruhago kugeza ubu, yahishuye ko aya magambo yo gusezera yayanditse nyuma y’iminsi ibiri gusa batsindiwe ku mukino wa nyuma w’Igikombe cy’Isi cya 2026, ku itariki ya 21 Nyakanga 2026.

Mu myaka 21 ishize yakiniye igihugu cye imikino 207, ayitsindira ibitego 125 anatanga imipira 68 yavuyemo ibitego.

Ari kumwe na Argentine yatangiye gukinira mu 2005, yegukanye Igikombe cy’Isi cy’Abatarengeje imyaka 20 mu 2005, Umudali wa Zahabu mu Mikino Olempike ya 2008, Copa América inshuro ebyiri mu 2021 na 2024, Igikombe cy’Isi cya 2022 na Finalissima mu 2022.

Afite andi mateka mu makipe yanyuzemo yamufashije gutwara Ballon d’Or umunani. Ayo ni FC Barcelone, Paris Saint-Germain na Inter Miami ari gukinira muri Leta Zunze Ubumwe za Amerika.

Lionel Messi yasezeye mu Ikipe y’Igihugu ya Argentine yahesheje Igikombe cy'Isi cya 2022

Lionel Messi yasezeye mu Argentine yakiniye imyaka 21