Juventus yirukanye umutoza Sarri nyuma yo gusezererwa muri Champions League

Yanditswe na Kabera Haruna
Kuya 8 Kanama 2020 saa 06:15
Yasuwe :
0 0

Juventus yirukanye uwari umutoza wayo, Maurizio Sarri, nyuma yo gusezererwa na Lyon muri 1/8 cya UEFA Champions League.

Mu mukino wabaye ku wa Gatanu, Juventus yatsinze Lyon ibitego 2-1, ariko isezererwa ku itegeko ry’igitego cyo hanze kuko amakipe yombi yanganyije ibitego 2-2 mu mikino ibiri.

Ku gicamunsi cyo kuri uyu wa Gatandatu, ubuyobozi bwa Juventus bwatangaje ko bwamaze gutandukana n’uyu mutoza w’Umutaliyani.

Maurizio Sarri w’imyaka 61, yari yafashije Juventus kwegukana Igikombe cya Shampiyona y’u Butaliyani ku nshuro ya cyenda, ariko umusaruro muke muri Champions League ntiwashimishije ubuyobozi.

Ubwo Juventus yaguraga Cristiano Ronaldo imukuye muri Real Madrid mu 2018, yari ifite intego zo kwegukana iri rushanwa rikomeye i Burayi.

Sarri yagizwe umutoza wa Juventus mu ntangiriro z’umwaka w’imikino 2019/20, aho yari yahawe amasezerano y’imyaka itatu, asimbuye Maximilliano Allegri.

Mu batoza bahabwa amahirwe yo kumusimbura harimo Maximilliano Allegri n’ubundi yari asimbuye ndetse na Mauricio Pochettino wigeze gutoza Tottenham Hotspur yo mu Bwongereza.

Maurizio Sarri yirukanywe na Juventus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .