00:00:00 IGIHE NETWORK KN KINYARWANDA EN ENGLISH FR FRANCAIS

CHAN: Ibiciro by’amatike byikubye kabiri ku mukino w’u Rwanda na RDC

Yanditswe na

Manzi Lema Jules

Kuya 27 Mutarama 2016 saa 11:17
Yasuwe :

Umukino wa mbere wa ¼ hagati y’u Rwanda na Repubulika Iharanira Demokarasi ya Congo wazamuriwe ibiciro byo kwinjira kuri Stade Amahoro mu rwego rwo kwirinda umuvundo ukabije bitewe n’uburyo uyu mukino utegerejwe n’abantu benshi.

Ubusanzwe kwinjira kuri Stade Amahoro mu mikino yo mu matsinda itike ya make yaguraga amafaranga 500 y’u Rwanda, ahatwikiriye hishyurwaga 2000 naho mu myanya y’icyubahiro bishyuraga 5000 na 10 000.

Ku mukino uzahuza u Rwanda na DRC, abategura CHAN 2016, babinyujije ku rubuga rwa twitter batangaje ko ibiciro byo kureba uyu mukino byazamuwe, ahishyurwaga amafaranga 500 hazishyurwa 1000, ahishyurwaga 2000 hakazishyurwa amafaranga 4000, mu myanya y’icyubahiro hishyurwaga 5000 hazishyurwa 10 000, ahishyurwaga 10 000 hazishyurwa 20 000.

Byagaragaye ko kuva iri rushanwa ryatangira, imikino yose yagiye yitabirwa ariko by’umwihariko imikino y’u Rwanda kuri Stade Amahoro ndetse na Congo Kinshasa yakiniraga i Huye yagaragaje ko ari amwe mu makipe afite abafana benshi.

Uyu mukino uteganyijwe kuwa Gatandatu tariki 30 Mutarama 2016 kuri stade Amahoro i Remera saa Cyenda.

Ibiciro byo kwinjira kuri Stade Amahoro byakubwe kabiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .