Abanyamuryango ba Rayon Sports basabye RGB kwemererwa gutumiza Inteko Rusange

Yanditswe na Kabera Haruna
Kuya 28 Kanama 2020 saa 04:17
Yasuwe :
0 0

Abanyamuryango ba Rayon Sports bandikiye Urwego rw’Igihugu rw’Imiyoborere ‘RGB’ basaba ko bakwemererwa gukora inama y’Inteko Rusange kugira ngo ivugurure amategeko shingiro n’inzego z’Umuryango.

Iyi baruwa yanditswe kuwa Kane tariki ya 27 Kanama na Me Kabuye Jean mu izina ry’abo banyamuryango ba Rayon Sports, ivuga ko “Raporo yerekana ibikorwa bya Rayon Sports hagati ya tariki 29/05/2020 na 27/06/2020, Perezida w’iyi kipe Munyakazi Sadate yayishyikirije RGB itabanje kwemezwa n’inteko rusange yaba isanzwe cyangwa idasanzwe ndetse ko abanyamuryango bose batazi ibikubiyemo.”

Ivuga ko kandi ibyatumye inzego z’umuryango Rayon Sports zihagarikwa harimo ibibazo bigaragara mu mategeko shingiro yawo n’izindi nyandiko byose byashyizweho na Munyakazi Sadate hatabanje kubaho uguterana kw’Inteko Rusange ngo ibyemeze.

Tariki ya 7 Kanama nibwo RGB yandikiye Perezida wa Rayon Sports ibaruwa imusaba guhagarika izindi nzego z’Umuryango Rayon Sports uretse komite nyobozi ireberera ubuzima bwa buri munsi bw’ikipe kugira ngo habanze hakorwe inononsorwa ry’amategeko shingiro yawo.

Iyi baruwa Munyakazi Sadate yandikiwe na RGB, yarimo ko atagomba gutumiza Inteko Rusange mu gihe iryo nononsorwa rikirimo gukorwa.

Urwego rw’Igihugu rw’Imiyoborere, RGB, ruvuga ko mu gihe kidatinze hazaba hamaze kwemezwa inzego zijyanye n’amategeko shingiro ya Rayon Sports.

Abanyamuryango ba Rayon Sports basabye RGB kwemererwa gutumiza Inteko Rusange

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .