Mu ijoro ryo kuri uyu wa Gatanu, tariki ya 25 Nzeri 2026, ni bwo Ishyirahamwe ry’Umupira w’Amaguru mu Rwanda (FERWAFA), ryatangaje abakinnyi batoranyijwe n’uyu mutoza.

Abo bakinnyi ntiharimo abanyezamu babiri ari bo Niyongira Patient wa Police FC na Mugisha Yves wa Rayon Sports, rutahizamu wa Mbonyumwami Taiba wa Ethiopian Coffee SC na Uwiyaremye Fidali wa APR FC.

Aba bakurikiye umukinnyi wo mu kibuga hagati, Nsanzimfura Keddy, wavuye mu mwiherero mbere kubera ibibazo by’ubuzima, agasimbuzwa Iradukunda Elie Tatou.

Usibye Iradukunda Elie Tatou, Stephen Constantine yajyanye abandi bakinnyi 23 barimo abagaragaye ku mukino wa Liberia.

Abo ni Hakizimana Adolphe, Ntwari Fiacre, Mutsinzi Ange, Niyigena Clement, Kavita Phanuel, Nkulikiyimana Darryl, Imanishimwe Emmanuel, Mickels Leroy na Emeran Noam.

Hari kandi Niyomugabo Claude, Kwizera Jojea, Byiringiro Jean Gilbert, Uwumukiza Obed, Mugisha Gilbert, Mugisha Bonheur, Bizimana Djihad, Samuel Gueulette, Hamis Hakim, Muhire Kevin, Nshuti Innocent, Biramahire Abeddy, Mickels Joy Lance na Mickles Slayd.

Ikipe y’u Rwanda yahagurutse ku Kibuga Mpuzamahaga cy’Indege cya Kigali mu ijoro ryo kuri uyu wa Gatanu rishyira ku wa Gatandatu, tariki ya 26 Nzeri, yerekeza mu Mujyi wa Praia, mu gihe umukino uzaba ku wa Kabiri, tariki ya 29 Nzeri.

Amavubi akuye i Kigali intsinzi y’amanota atatu, nyuma yo gutsinda Liberia ibitego 3-1. Ni ibitego byinjijwe na Biramahire Abeddy, Leroy Jacques Michels na Joy-Lance Michels, naho icy’impozamarira cy’iyi kipe itozwa na Adil Erradi Mohammed gitsindwa na Sylvanus Nimely.

Cap-Vert izakina n’u Rwanda na yo yatsindiwe muri Mali ibitego 3-1.