Premier League iratangira kuri uyu wa Gatandatu, Toronto Raptors yasezerewe, Td France na US Open byakomeje…agezweho mu mikino

Yanditswe na Eric Tony Ukurikiyimfura
Kuya 12 Nzeri 2020 saa 10:56
Yasuwe :
0 0

Shampiyona y’u Bwongereza ‘Premier League’ y’umwaka w’imikino 2020/21, iratangira kuri uyu wa Gatandatu tariki ya 12 Nzeri 2020.

Umukino ubimburira iyindi urahuza Arsenal na Fulham yazamutse uyu mwaka, guhera saa Saba n’igice (13:30) naho Liverpool yatwaye igikombe giheruka irahura na Leeds guhera saa kumi n’ebyiri n’igice (18:30).

Imikino ibiri yasubitswe ku munsi wa mbere ni uwo Manchester City yagombaga guhuramo na Aston Villa n’uwo Burnley yagombaga kwakiramo Manchester United. Yombi yasubitswe bitewe n’uko amakipe y’i Manchester yageze kure mu mikino y’i Burayi yasojwe mu kwezi gushize.

Uko amakipe ahura ku munsi wa mbere wa Premier League 2020/21

Ku wa Gatandatu

  • Fulham vs Arsenal (13:30)
  • Crystal Palace vs Southampton (16:00)
  • Liverpool vs Leeds (18:30)
  • West Ham vs Newcastle (21:00)

Ku Cyumweru

  • Tottenham vs Everton
  • West Brom vs Leicester City

Ku wa Mbere

  • Brighton vs Chelsea
  • Sheffield United vs Wolves
Arsenal irahura na Fulham ku munsi wa mbere wa Premier League

=============================================================

NBA: Boston Celtics yasezereye Toronto Raptors, igera ku mukino wa nyuma

Boston Celtics yageze ku mukino wa nyuma wa play-offs za NBA mu gace k’Uburasirazuba nyuma yo gutsinda Toronto Raptors ifite igikombe giheruka amanota 92-87 mu mukino wa karindwi wabaye mu gitondo cyo kuri uyu wa Gatandatu.

Boston Celtics izahura na Miami Heat ku mukino wa nyuma wo muri aka gace, yo yasezereye Milwaukee Bucks ku mikino 4-1.

Toronto Raptors yari yabanje gutsindwa imikino 2-0 na Celtics, amakipe yombi agera aho anganya imikino 3-3.

Mu wundi mukino wabaye mu ijoro ryakeye, Denver Nuggets yatsinze LA Clippers amanota 111-105 mu mikino wa gatanu wa ½ mu Burengerazuba.

Gutsinda uyu mukino byatumye Denver Nuggets ikomeza kuba muri iri rushanwa nubwo imaze gutsindwa imikino 3-2 ndetse ku Cyumweru akaba aribwo hateganyijwe umukino wa gatandatu.

Ikipe izakomeza hagati y’izi zombi, izahura na LA Lakers yasezereye Houston Rockets.

Toronto Raptors ifite igikombe giheruka, yasezerewe na Boston Celtics

=============================================================

US Open 2020: Dominic Thiem azahura na Alexander Zverev ku mukino wa nyuma

Umunya-Australie; Dominic Thiem yatsinze Umusiwisi Daniil Medvedev 6-2 7-6 (9-7) 7-6 (7-5), agera ku mukino wa nyuma wa US Open 2020.

Mu mukino wa nyuma uzaba ku Cyumweru, Dominic Thiem azahura n’Umudage Alexander Zverev we wasezereye Umunya-Espagne Pablo Carreno Busta amutsinze 3-6, 2-6, 6-3, 6-4, 6-3.

Dominic Thiem yageze ku mukino wa nyuma wa US Open 2020

=============================================================

Neymar yakize Coronavirus mbere y’umukino wa Marseille

Rutahizamu w’Umunya-Brésil; Neymar, yatangaje ko yakize Coronavirus ndetse yatangiye imyitozo yitegura umukino ikipe ye ya PSG izahuramo na Marseille ku Cyumweru.

Neymar ntiyagaragaye mu mukino wa mbere PSG yakinnye ku wa Kane, muri Ligue 1, aho yatsinzwe na RC Lens igitego 1-0.

Abinyujije kuri Twitter, uyu mukinnyi yatangaje ko yakize Coronavirus ndetse yatangiye imyitozo.

Neymar yatangaje ko yakize Coronavirus

=============================================================

Tour de France: Primoz Roglic yongereye ibihe, Daniel Martinez yegukana agace ka 13

Umunya-Slovenie Primoz Roglic yongereye ikinyuranyo cy’ibihe ku rutonde rusange, aho akomeje kwambara umwenda w’umuhondo wa Tour de France 2020, yashyizemo amasegonda 44.

Umunya-Colombia Daniel Martinez ukinira EF Pro Cycling yegukanye agace ka 13 kakinwe ku wa Gatanu, akoresheje amasaha atanu, umunota umwe n’amasegonda 47. Aka gace kari kahagarukiye i Chatey-Guyon kerekeza i Puy Mary ku ntera y’ibilometero 191.5.

Kuri uyu wa Gatandatu nibwo hakinwa agace ka 14, gahagurukira i Clermont-Ferrant kerekeza i Lyon ku ntera y’ibilometero 194.

Abakinnyi batanu ba mbere nyuma y’agace ka 13

  1. Daniel Martinez (Col/EF Pro Cycling) 5:01’47”
  2. Lennard Kamna (Ger/Bora-Hansgrohe) +4”
  3. Max Schachmann (Ger/Bora-Hansgrohe) +51”
  4. Valentin Madouas (Fra/Groupama-FDJ) +1’33”
  5. Pierre Rolland (Fra/B&B Hotels-Vital Concept) +1’42”

Urutonde rusange nyuma y’agace ka 13

  1. Primoz Roglic (Slo/Jumbo-Visma) 56: 34’ 35”
  2. Tadej Pogacar (Slo/UAE Team Emirates) +44”
  3. Egan Bernal (Col/Ineos Grenadiers) +59”
  4. Rigoberto Uran (Col/EF Pro Cycling) +1’10”
  5. Nairo Quintana (Col/Arkea-Samsic) +1’12”
Daniel Martinez yegukanye agace ka 13 ka Tour de France 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .