Uyu mukinnyi yasuye Urwibutso rwa Jenoside rwa Kigali ku Gisozi, yunamira Abatutsi bazize Jenoside yakorewe Abatutsi mu 1994.

Chevalier yanatambagijwe ibice bigize uru rwibutso, asobanurirwa amateka ya Jenoside yakorewe Abatutsi n’urugendo u Rwanda rwanyuzemo mu kwiyubaka no kwimakaza ubumwe n’ubwiyunge.

Uretse gusura Urwibutso rwa Jenoside rwa Kigali, Chevalier yanasuye Stade Amahoro ndetse ahura n’abahagarariye Minisiteri ya Siporo ndetse n’abakinnyi bakiri bato 25 bafite hagati y’imyaka 13 na 17.

Lucas Chevalier ni umunyezamu w’Umufaransa wavutse ku wa 6 Ugushyingo 2001 i Calais, akaba afite imyaka 25. Yakuriye mu ishuri ry’umupira w’amaguru rya Lille, anakinira Valenciennes nk’intizanyo mu mwaka w’imikino wa 2021/22.

Mu 2022, yasubiye muri Lille, ahita atangira kuyibera umunyezamu wa mbere. Yaje gutorwa nk’umunyezamu mwiza wa shampiyona y’u Bufaransa mu mwaka w’imikino wa 2024/25.

Mu 2025, Chevalier yavuye muri Lille yerekeza muri Paris Saint Germain, asinya amasezerano azageza mu 2030.

Amafoto: RBA