Vinicius Jr ni umwe mu bakinnyi bakunda kugaragaza ko akorerwa irondaruhu, abandi bakamushinja guteza umwuka mubi mu ikipe.

Amashusho yashyizwe hanze na Sky Sports Morinho ari mu kiganiro n’abanyamakuru, yavuze ko abaye ari uyu mukinnyi yakabaye yaragiye ahandi.

Ati “Iyo nza kuba we [Vinicius Junior], ahari sinakabaye nkiri aha [muri Real Madrid] ahari mu mpeshyi ishize nakabaye narahatirije nkajya mu yindi shampiyona, mu kindi gihugu, mu yandi makipe, hari ibindi bibuga n’abandi bakeba bashobora kumwubaha.”

Vini muri La Liga amaze gukina imikino umunani, yatsinzemo igitego kimwe, atanga imipira itatu yavuyemo ibitego abona amakarita abiri y’umuhondo n’imwe itukura.

Muri UEFA Champions League yakinnye imikino ibiri ariko nta gitego yinjije ndetse nta mupira yatanze wavuyemo igitego.