Mu 2019 Samsung yagurishije telefoni zikoresha 5G zisaga miliyoni esheshatu

Yanditswe na Ndayikunda Josué
Kuya 3 Mutarama 2020 saa 01:57
Yasuwe :
0 0

Uruganda rukora ibikoresho by’ikoranabuhnga rwo muri Koreya y’Epfo, Samsung, rwagurishije telefoni miliyoni 6.7 zikoresha internet yihuta ya 5G mu 2019, rukaba urwa mbere rubikoze.

Uru ruganda ruyoboye izindi mu gukora telefone zigezweho rwabitangaje kuri uyu wa Kane, aho rwavuze ko kugurisha telefoni zisaga miliyoni 6 birenze ibyo bari biteze, dore ko umwaka wa 2019 utangira uruganda rwari rwihaye intego yo kugurisha nibura telefone zikoresha 5G miliyoni enye.

Samsung yatsinze igitego izindi sosiyete bihanganye mu 2019 ubwo yashyiraga ku isoko telefoni zirimo Samsung Galaxy S10 5G, Note 10 5G, Note 10+ 5G, A90 5G na Galaxy Fold 5G ifite ubushobozi bwo gukunjwa.

Biteganyijwe ko muri uyu mwaka uru ruganda ruzashyira ku isoko ‘tablet’ ikoresha umuyoboro wa internet ya 5G.

Apple nka rumwe mu nganda zihanganye na Samsung ku isoko ivuga ko mu 2020 nta gahunda ifite yo gusohora telefoni ikoresha internet ya 5G.

Samsung kandi yungukiye mu bibazo uruganda rwa Huawei rwahuye nabyo mu mwaka wa 2019 byo gukomanyirizwa ku isoko rya Leta Zunze Ubumwe za Amerika dore ko ubusanzwe ruri mu zigurisha telefone nyinshi ku isi.

Sumsung yatangaje ko umwaka ushize yagurishije telefone zikoresha 5G zisaga miliyoni esheshatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .