Imiterere ya Airbus A330neo, ubwoko bw’indege nshya za RwandAir

Yanditswe na Iradukunda Serge
Kuya 16 Nyakanga 2019 saa 06:10
Yasuwe :
0 0

RwandAir igiye gutangira gukoresha indege ebyiri zo mu bwoko bwa Airbus neo (A330-900), ziyongera ku zo yari isanzwe itunze.

Umuryango w’indege zo mu bwoko bwa Airbus A330neo ugizwe n’ubwoko bubiri bw’indege ari bwo A330-800 na A330-900. Bwamuritswe bwa mbere ku wa 14 Nyakanga 2014 mu imurika ry’indege ryabereye mu mujyi wa Farnborough (Farnborough Airshow) mu Bwongereza.

Indege ya mbere y’ubu bwoko yagurutse mu Ukwakira 2017.

Izi ndege mu gihe bibaye ngombwa zitwara abagera kuri 400 ariko iyo abantu bicaye neza itwara abagera kuri 300.

Imbere hizi ndege hatanga umudendezo ku bagenzi kubera intebe zazo ngari ndetse n’umwanya uhagije wo gushyiramo ibikapu, aho umugenzi ashobora kwicara ateganye n’umuzigo we bikaba bimworohera mu gihe cyo gusohoka kuko aba awufite hafi.

Izi ndege zikoresha moteri zizwiho kugira imbaraga zo mu bwoko bwa Rolls-Royce Trent 7000 zikorwa n’uruganda Rolls Royce rw’i Westminster mu Bwongereza.

Izi ndege zikoranye ubuhanga butuma zikoresha Benzine nke ugereranyije n’izindi kandi ikaba yabasha kugenda intera ingana na kilometero 13 400 idahagaze.

Izi ndege mu burebure zipima metero 63.66, ubuhagarike bwa Metero 16.79 naho uburebure bwo kuva ku ibaba rimwe ujya ku rindi bungana na metero 64, ikaba ishobora kunywa litiro 139 090 za benzene kugira ngo yuzuze.

Ihaguruka ipima toni 242, ikaba ishobora kugendera ku muvuduko wa kilometer 860 ku isaha.

Muri 2018 igiciro cya Airbus A330 neo(A330-900) cyari amadorali miliyoni 296.

Izi ndege nshya za Rwandair byitezwe ko zizayifasha mu rugendo rushya Kigali-New York, ishaka gutangiza vuba aha.

RwandAir iteganya gutangira gukoresha Airbus neo
Indege za Airbus Neo zifite imyanya myinshi mo imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza