Amakuru y’Ikoranabuhanga asibwe mu bubiko ajya he?

Yanditswe na Gentil Rafiki
Kuya 9 Nzeri 2019 saa 10:04
Yasuwe :
0 0

Ikoranabuhanga riri gutera imbere uko bwije n’uko bukeye ndetse n’ibikoresho bishya by’ikoranabuhanga bihambaye biri kuvumburwa. Gusa kugira ngo igikoresho runaka cy’ikoranabuhanga gikore neza kigomba kuba gifite aho kibika amakuru (data/ information). Iki gikoresho kikaba cyifashisha ayo makuru mu gukora cyangwa nyiracyo akaba ari ayo akenera mu buzima bwa buri munsi, ubwo bubiko babwita ‘storage’.

Gusa habaho iyo ubona ububiko bwamaze kuzura cyangwa bubitse amakuru runaka udakeneye ugahitamo wowe nyiri ukugikoresha gusiba amwe cyangwa yose mu makuru abitse kuri ubwo bubiko. Aho rero niho ukora icyo bita delete/format gusa mu kinyarwanda byose twabyita gusiba n’ubwo “guforomata” ho bisa nko gusibira amakuru yose abitse ku bubiko bw’ikoranabuhanga icyarimwe.

Usibye amakuru y’ikoranabuhanga aho ajya nta handi usibye kuri ubwo bubiko wayasibyeho

Dufate urugero rwa telefoni igendanwa; iyo telefoni yawe ushaka gusiba ho amakuru runaka, iyo uyasibye uko bigenda ya makuru aguma ku bubiko bwa telefoni yawe ahubwo icyo wowe uba ukoze biba bisa nk’aho uciye ihuriro ryose ryari riri hagati ya telefoni yawe n’ayo makuru.

Ya makuru yitsindagira kuri bwa bubiko bwa telefoni yawe agasigara afashe umwanya muto cyane ushoboka (niyo mpamvu uko ugenda “uforomata” ububiko bwawe ariko ugenda ubona ingano y’ububiko bwawe igabanukaho akantu gato cyane).

Nyuma y’aho bwa bubiko bukagaragaraho umwanya ko ushobora kubikaho andi makuru runaka. Ni ukuvuga ko uba waciye nk’icyo twakwita ihuriro cyangwa imigozi yose yahuzaga ya makuru na telefoni yawe, ntabwo telefoni yawe ishobora kumenya aho ya makuru abitse. Mu by’ukuri amakuru ariho, ariko ntabwo telefoni yawe izi ko ariho kuko ntiba yabasha kumenya aho abitse.

Gusa amwe cyangwa yose muri ya makuru wasibye ashobora kongera kugaruka hifashishijwe porogaramu za mudasobwa zabugenewe ndetse n’ubuhanga mu byo kugarura amakuru bw’uri gukoresha iyo porogaramu yo kugarura amakuru.

Rero bivuze ko “guforomata” cyangwa gusiba amakuru runaka ku bubiko bidasobanuye ko hari ahandi yagiye aba ahari ndetse iyo bibaye ngombwa ayo makuru ashobora kugarurwa hifashishijwe porogaramu za mudasobwa zabugenewe ayo makuru akaba yakongera gukoreshwa igihe runaka.

Amakuru y'Ikoranabuhanga abikwa ahantu hatandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza