Muri Kamena 2026, ni bwo uyu mukinnyi yavuye muri Liverpool yo muri Shampiyona y’u Bwongereza, ajya muri Trabzonspor yo muri Shampiyona ya Turikiya ‘Süper Lig’.
Akigerayo yagize intangiriro nziza kuko yaguzwe kugira ngo afashe iyi kipe kubona intsinzi nyinshi no kwigaranzura Galatasaray itwara ibikombe hafi ya byose muri icyo gihugu.
Mu mikino itanu amaze gukina yahise atsinda ibitego birindwi, harimo bitatu yatsinze wenyine ku mukino wahuje Trabzonspor na mukeba wayo Galatasaray.
Ibi byatumye abafana bamukunda kurushaho, ndetse mu rwego rwo kumwereka urukundo, bajya gusura agasozi yifotorejeho muri icyo guhugu mu buryo atari yateganyije.
Abakomeza kuhasura bakomeje kwiyongera umunsi ku munsi, ndetse ibuye yari yicayeho yifotoza riramwitirirwa ‘Salah’s Rock’ cyangwa se ‘Urutare rwa Salah’, ku buryo hatangiye gufatwa nk’icyanya cy’ubukerarugendo.
Uyu mukinnyi w’Ikipe y’Igihugu ya Misiri, yageze muri iki gihugu avuye gukora amateka mu Bwongereza, kuko Liverpool yakiniraga yayitsindiye ibitego birenga 257 mu mikino 442 yayikiniye.
Yatwaye ibikombe bibiri bya Shampiyona y’u Bwongereza, kimwe cya UEFA Champions League, bibiri bya Carabao Cups, kimwe cya FIFA Club World Cup, kimwe cya UEFA Super Cup, kimwe cya FA Cup na kimwe cya FA Community Shield.









Ibitekerezo 0