Muhadjiri Hakizimana na Kayumba Soter ku nshuro ya mbere bagize amahirwe yo kwisanga mu bakinnyi 18 baserukira u Rwanda mu marushanwa mpuzamahanga nyuma yo kwigaragaza mu makipe yabo ndetse no mu myitozo Amavubi amaze iminsi akora.

Mu bakinnyi bari bamenyerewe batagiye, harimo umuzamu wa APR FC Kwizera Olivier wasimbujwe umuzamu wa Police FC,Marcel Nzarora.

Aba bakinnyi uko ari 18 barahaguruka i Kigali ku kibuga cy’indege saa kumi n’ebyiri z’umugoroba.

Urutonde rw’abakinnyi bagiye guhagararira u Rwanda mu birwa bya Maurice

Abazamu: Ndayishimiye Jean Luc (Rayon Sports) na Marcel Nzarora (Police FC).

Ba myugariro: Omborenga Fitina (SC Kiyovu), Ndayishimiye Celestin (Mukura VS), Sibomana Abouba (Gor Mahia), Rwatubyaye Abdul (APR FC), Nirisarike Salomon (Sint Truiden), Kayumba Soter (AS Kigali).

Abakina hagati: Mugiraneza Jean Baptiste (Azam FC), Mukunzi Yannick (APR FC), Niyonzima Haruna (Yanga), Iranzi Jean Claude (APR FC), Hakizimana Muhadjiri (Mukura VS), Nshuti Savio Dominique (Rayon Sports) na Habimana Yussufu (Mukura VS).

Ba rutahizamu : Uzamukunda Elias (Le Mans), Rushenguziminega Quentin Kwame (Lausanne Sport) and Sugira Ernest (AS Kigali).