Kiyovu Sports yatsinze Musanze FC igitego 1-0 mu mukino w'Umunsi wa 28 wa Shampiyona itera intambwe igana ku Gikombe cya Shampiyona ihanganiye na APR FC ndetse na Rayon Sports.
Wari umukino ukomereye iyi kipe dore ko hagati yayo na Rayon Sports yari iya kabiri harimo amanota abiri gusa, mu gihe ku ruhande rwa Musanze FC yari ifite umutoza washidikanywagaho ko yatoza uyu mukino, yakinaga uwa nyuma wa Shampiyona ku kibuga cyayo ndetse yifuzaga gushimisha abakunzi bayo bagasoza Shampiyona bamwenyura.
Abakunzi ba Kiyovu Sports bari baje ku bwinshi gushyigikira ikipe yabo yafunguye amazamu ku isegonda rya 36 ku gitego cyatsinzwe n'Umurundi Nshimirimana Ismail 'Pitchou'. Uku ni na ko umukino waje kirangira.
Nyuma y'umukino, abafana ba Kiyovu Sports yicaye ku ntebe y'icyubahiro ya Shampiyona isigaje imikino ibiri ngo ipfundikirwe, bitereye mu bicu bashimira abakinnyi babo babahesheje ishema ku kibuga cya Stade Ubworoherane kigora amakipe menshi.
Perezida wa Kiyovu Sports, Ndorimana François 'Général', yari ayoboye abafana be bakomera amashyi abakinnyi ndetse banashimira Imana yabahaye amanota atatu, mu gihe Visi Perezida, Mbonyumuvunyi Abdul Karim we yaganiraga na Perezida w'Icyubahiro, Makuza Bernard uko umukino wagenze.
Ku yandi makipe bahanganiye igikombe, APR FC yazamutse ku mwanya wa kabiri n'amanota 57 nyuma yo gutsinda Espoir FC ibitego 2-1 mu gihe Rayon Sporrts yatsinzwe na Gorilla FC ibitego 3-1 imanuka ku mwanya wa gatatu n'amanota 55.
Reba amafoto y'uko byari byifashe kuri Stade Ubworoherane nyuma y'uko Kiyovu Sports itsinze Musanze FC igitego 1-0.
Umurundi, Nshimirimana Ismail 'Pitchou' yaboneye Kiyovu Sports igitego cy'intsinzi ku isegonda rya 36Perezida wa Kiyovu Sports Limited, Mvukiyehe Juvénal ahoberana na Perezida wa Kiyovu Sports Association, Ndorimana Jean François Regis 'General'Mvukiyehe Juvénal asuhuza Perezida w'Icyubahiro wa Kiyovu Sports, Makuza BernardPerezida wa Kiyovu Sports Limited, Mvukiyehe Juvénal, asuhuza Kankindi Anne-Lise ushinzwe Itangazamakuru muri AS KigaliNyuma y'umukino, abo muri Musanze FC barimo Kapiteni Ntaribi Steven bagiye kubaza abasifuzi ku byemezo bimwe na bimwe bagiye bafataKapiteni wa Musanze FC, Ntaribi Steven, yasigaye wenyine ubwo yari amaze gutandukana n'abasifuziUmutoza wa Musanze FC, Ahmed Adel yagiye kwihanganisha Kapiteni we Ntaribi StevenUmutoza wa Kiyovu Sports, Alain-André Landeut yagiranye ikiganiro kigufi n'uwa Musanze FC, Ahmed Adel ndetse banahana na nimeroUmutoza wongerera imbaraga abakinnyi ba Kiyovu Sports, Dabo Seydou yishimiye uko umukino urangiye nyuma y'uko Umusifuzi Uwikunda Samuel asifuye ifirimbi ya nyumaUmunyezamu akaba na Kapiteni wa Kiyovu Sports, Kimenyi Yves yahobeye Muhozi Fred nyuma y'umukino bishimira intsinziAbakinnyi ba Kiyovu Sports bari mu byishimo nyuma yo kwitwara neza kuri Musanze FCMyugariro wa Kiyovu Sports, Nsabimana Aimable byamurenze nyuma y'umukinoAbafana bari bishimiye abakinnyi babo bitwaye neza kuri Stade UbworoheraneAbakunzi ba Kiyovu Sports bari mu byishimo n'ubwo bari bahangayitse umukino utararangiraAbafana ba Kiyovu Sports bari i Musanze bari bafite icyizere kiri hejuru ko bari buhakure amanota atatuAbafana ba Kiyovu Sports bishimiye gutera intambwe igana ku gikombe nyuma y'uko ikipe yabo itsinze Musanze FC igitego 1-0 ku munota wa mberePerezida wa Kiyovu Sports Association, Ndorimana Jean François Regis 'General' hamwe n'abafana b'iyi kipe bamanitse amaboko mu kirere bashimira Imana yabahaye intsinzi igana ku gikombeRutahizamu Iradukunda Bertrand yifotoza hamwe n'abafana ba Kiyovu Sports bari basazwe n'ibyishimo nyuma y'umukinoPerezida w'Icyubahiro wa Kiyovu Sports, Makuza Bernard aganira na Visi Perezida wayo Mbonyumuvunyi Abdul Karim nyuma y'umukinoKankindi Anne-Lise ushinzwe Itangazamakuru muri AS Kigali na we yari yaje kwihera amaso uyu mukino. Aha yari ari kuganira na Perezida w'Icyubahiro wa Kiyovu Sports, Bernard MakuzaByari ibyishimo kuri Stade UbworoheraneAbafana ba Kiyovu Sports bari mu bicu muri Stade UbworoheraneIngoma zavugijwe, indirimbo ziririmbwa ku bwinshi nyuma y'uyu mukinoUmufana wa Kiyovu Sports yanura amadarapo y'ikipe ye nyuma y'umukino
Ibitekerezo 0