Kuri uyu wa Mbere, tariki ya 19 Ukwakira 2026, ni bwo CAF yatangaje aho irushanwa rihuza amakipe yitwaye neza iwayo rizabera, nyuma y’igihe hatekerezwa ku gihugu cyakwemera kuryakira.

Hatekerejwe ibihugu bitandukanye birimo u Rwanda, gusa nyuma y’ibiganiro byagenze neza irushanwa rijyanwa mu Misiri, aho ryari ryakiniwe mu mwaka ushize wa 2025.

Iyo riramuka ribereye mu Rwanda, Rayon Sports WFC ni yo yari kuzaruhagararira kuko ari yo yegukanye Igikombe cya Shampiyona y'u Rwanda cya 2025/26, nubwo yasezerewe mu majonjora ya CECAFA na yo yabereye i Kigali.

Izaba ari inshuro ya gatatu Misiri ihawe kwakira CAF Women’s Champions League nyuma yo kwakira n’iryabaye mu 2021.

Amakipe umunani ni yo azakina irushanwa hagati y’itariki ya 1 kugeza ku ya 15 Ugushyingo 2026. Mamelodi Sundowns yaryegukanye inshuro ebyiri izahagararira COSAFA, Kawempe Muslim yahize arimo Rayon Sports ihagararire CECAFA.

Lekie FF izahagararira UNIFFAC, USFAS yo ihagarariye WAFU A, FUS Rabat ihagararire UNAF iri kumwe na AS FAR Rabat yegukanye irushanwa riheruka.

Imyanya ibiri isigaye izakinwa n’ikipe izava murin WAFU B, n’ikipe izahgararira Misiri izakira irushanwa.