U Bufaransa bwakiriye irushanwa buzacakirana na Portugal yageze ku mukino wa nyuma isezereye Wales, kuri iki cyumweru tariki ya 10 Nyakanga 2016.

Antoine Griezman wigaragaje muri uyu mukino yatsinze ibitego bibiri afasha ikipe ye y’u Bufaransa kwikura imbere y’u Budage.

Igice cya mbere kigiye kurangira, kapiteni w'u Budage Bastian Schweinsteiger yakoze umupira n'ukuboko, umusifuzi Nicolas Rizoli atanga penaliti yinjijwe neza na Griezman.

Griezman wari wazonze bikomeye ikipe y’u Budage yaje kongera guhindukiza umunyezamu Manuel Neuer ku munota wa 72 nyuma y'umupira mwiza yari ahawe na Paul Pogba.

Griezman niwe mukinnyi umaze gutsinda ibitego byinshi mu irushanwa aho afite bitandatu.