Cristiano ukinira Ikipe ya Juventus de Turin yo mu Butaliyani akaba na Kapiteni w’Ikipe y’Igihugu ya Portugal. Yinjiye mu gitabo cy’abakurikirwa cyane kuri Instagram.

Ronaldo, wagiye muri Juventus yo mu Butaliyani avuye muri Real Madrid yo muri Espagne mu 2018, ubu ararusha miliyoni 27 umuhanzi w’Umunyamerika akaba n’umukinnyi wa filimi, Ariana Grande.

Cristiano Ronaldo yari aherutse kuba umuntu wa mbere ukurikirwa kuri Instagram mu Ukwakira 2018 nyuma yo kuwukuraho Selena Gomez, ufite miliyoni 167.

Uyu mugabo w'imyaka 34 y’amavuko amaze gutsindira Juventus ibitego 10 muri uyu mwaka w'imikino wa 2019/20.

Cristiano Ronaldo yagiye muri Juventus aguzwe miliyoni £88 avuye muri Real Madrid yari amazemo imyaka icyenda. Ni umwanzuro wafashwe nyuma y’ibiganiro bikomeye hagati ya Jorge Mendes ushinzwe inyungu za Cristiano Ronaldo na Perezida wa Real Madrid, Florentino Perez.

Ni umukinnyi wa munani uhenze ku Isi, nyuma ya Neymar da Silva Santos Júnior na Kylian Mbappé Lottin bakinira Paris Saint Germain; João Félix Sequeira ukinira Atlético de Madrid; Antoine Griezmann na Masour Ousmane Dembélé bakinira FC Barcelona; , Philippe Coutinho Correia wa FC Bayern Munich; Paul Labile Pogba wa Manchester United na Eden Michael Hazard ukinira Real Madrid.

– Ibyamamare 10 bikurikirwa na benshi kuri Instagram:

1. Cristiano Ronaldo – miliyoni 200

2. Ariana Grande – miliyoni 173

3. Dwayne Johnson – miliyoni 170

4. Selena Gomez – miliyoni 167

5. Kylie Jenner – miliyoni 159

6. Kim Kardashian – miliyoni 158

7. Lionel Messi – miliyoni 141

8. Beyonce – miliyoni 139

9. Neymar – miliyoni 132

10. Justin Bieber – miliyoni 126