Uwo mutoza we avuga ko agiye kumara hafi amezi 8 adahembwa, kandi ko mu mpera z’iki cyumweru agomba gukoresha ikiganiro n’abanyamakuru akavuga ukuri ku iyirukanwa rye nk’uko Reuters ibitangaza.

Ikipe ya Angola, iri mu itsinda B rimwe na RDC, Cameroun na Ethiopia ikaba ikomeje imyitozo aho tariki 26 Ukuboza basubiye mu myitozo nyuma y’akaruhuko ka Noheli.

Iyi kipe ya Angola igomba kujya gukorera imyitozo muri Afurika y’Epfo aho izava iza mu Rwanda kwitabira CHAN 2016. Aha ikaba izanakina umukino wa gicuti na Cote d’Ivoire.

Abakinnyi 23 b’ikipe y’igihugu ya Angola ni Fabrício, JB, Moco, Miguel, Gomito II, Yano, Danilson Traça, Dário, Dany, Natael, Eddie, Landu, Manguxi, Mateus, Ary Papel, Dominique, Manucho Dinis, Búa, Gelson, Isaac, Ekundi Sargento, Mingo Bile, Mário na Silva.

Ikipe ya DRC ni yo izabimburira andi makipe kugera mu Rwanda

Andi makuru avuga ko ikipe ya RDC ari yo izabimburira ayandi kugera mu Rwanda aho izaba ije gukomeza imyiteguro y’imikino ya CHAN izakinira kuri Sitade ya Huye.

Ikipe ya Repubulika Iharanira Demokarasi ya Congo iri mu itsinda B hamwe na Angola, Cameroun na Ethiopia;izahagera ku Cyumweru tariki 03 Mutarama 2016.

Radiyo Okapi ivuga ko iyi kipe yatangiye imyitozo tariki 24 Ukuboza 2015 igafata akaruhuko ka Noheli, taliki 26 Ukuboza 2015 basubukura imyitozo.

Ikipe ya RDC ni inshuro ya 4 igiye kwitabira iri rushanwa. Bwa mbere ritangira gukinwa muri 2009 yegukanye igikombe itsinze Ghana ibitego 2-0 zari mu itsinda rimwe B aho Ghana yari yatsinze RDC ibitego 3-0.

Muri 2011, RDC yaviriyemo muri ¼ itsinzwe na Tunizia igitego 1-0 naho muri 2014, RDC nabwo yaviriyemo muri ¼ itsinzwe na Ghana igitego 1-0.

Abakinnyi ba RDC bari mu myitozo

Abazamu: Landu (V. Club), Matampi (DCMP) na Nke (Renaissance FC)

Myugariro: Bahumeto (St Eloi Lupopo), Bangala (DCMP), Bompunga (V. Club), Bukasa (Rojolu), Issama (TP Mazembe), Kimwaki (TP Mazembe), Lomanisa (V. Club), Makwekwe (V. Club), Mfuki (MK) na Ngimbi (Renaissance FC).

Hagati: Bope (TP Mazembe), Gikanji (DCMP), Kanku (FC Shark 11), Lusadisu (V. Club), Miche (CS Don Bosco), Munganga (V. Club), Ngudikama (V. Club) na Tulengi (DCMP).

Rutahizamu: Bolingi (TP Mazembe), Kazadi (Renaissance FC), Kombo (MK), Kule (V. Club), Luvumbu (V. Club), Manga (Renaissance FC), Mrchak (CS Don Bosco), Mukoko (V. Club), Mundele (V. Club), Ngulubi (FC Shark 11) na Tempo (DCMP).