Iyi tombola yabereye i Nyon mu Busuwisi ku cyicaro cy’Impuzamashyirahamwe y’umupira w’amaguru ku mugabane w’u Burayi yagombaga kugaragaza uko amakipe 16 yageze muri 1/8 harimo Paris Saint-Germain, Benfica, Manchester City, Bayern München , Bayer Leverkusen, Real Madrid, Porto, Sevilla zabaye iza kabiri mu matsinda na Arsenal, Napoli, Barcelona, Atlético Madrid, Monaco, Borussia Dortmund, Leicester City, Juventus zabaye iza mbere azahura.

Umwe mu mikino ikomeye uzahuza Arsenal itozwa na Arsene Wenger na Bayern Munich y'umutoza Carlo Ancelotti.

Mu mikino icumi imaze guhuza aya makipe yombi, Arsenal yatsinze itatu, Bayern Munich itsinda itanu, banganya ibiri.

Mu mwaka ushize wa 2015, Arsenal yatsinze Bayern Munich ku kibuga cyayo Emirates Stadium ibitego 2-0; mu mukino wo kwishyura inyagirwa 5-1.

Imikino ibanza ya 1/8 iteganyijwe hagati ya tariki 14-15 Gashyantare 2017 ndetse na 21-22 Ugushyingo 2017 mu gihe imikino yo kwishyura izakinwa hagati ya tariki 7-8 na 14-15 Werurwe.

Amakipe umunani azarenga iki cyiciro azakina ¼ tariki 11-12 Mata mu mikino ibanza mu gihe iyo kwishyura izaba tariki 18-19 Mata 2017.

Imikino ibanza ya ½ izakinwa hagati ya tariki 2-3 Gicurasi 2017 iyo kwishyura ibe hagati ya tariki 9-10 Gicurasi mu gihe umukino wa nyuma uzaba tariki 3 Kamena 2017 ku kibuga cya Cardiff muri Wales aribwo hazamenyekana ikipe yegukana iki gikombe gifitwe na Real Madrid.

Uko amakipe yatomboranye muri 1/8 cya Uefa Champions League

– Manchester City vs Monaco

– Real Madrid vs Napoli

– Benfica vs Borussia Dortmund

– Bayern Munich vs Arsenal

– Porto vs Juventus

– Bayer Leverkusen vs Atletico Madrid

– Paris Saint-Germain vs Barcelona

– Sevilla vs Leicester City

Ambasaderi wa UEFA Champions League,  Ruud Gullit niwe wayoboye Tombola
Ambasaderi wa UEFA Champions League, Ruud Gullit niwe wayoboye Tombola