Ikipe y’Igihugu y’u Rwanda iri kwitegura umukino w’umunsi wa kane mu yo gushaka itike y’Igikombe cya Afurika cya 2027, yakiranywe urugwiro ivuye muri Mali.
Mu gitondo cyo kuri uyu wa Gatandatu, tariki ya 14 Ugushyingo 2026, ni bwo abakinnyi, abatoza, abafana n’abandi baherejeke Amavubi bageze ku Kibuga Mpuzamahanga cy’Indege cya Kigali.
Ni urugendo bakoze nyuma yo gutsindirwa mu mukino w’umunsi wa gatatu wabereye kuri Stade du 26 Mars iri i Bamako, ugasiga Les Aigles ya Mali yinjije ibitego 3-2.
Abafana b’Amavubi barimo umubyeyi wa Iradukunda Elie Tatou n’abandi bo mu miryango y’abakinnyi, bakiranye urugwiro abavuye muri Mali, mu kubereka ko babashyigikiye ndetse ko bazakomeza no kubaba hafi mu mikino iri imbere.
Yaba umutoza cyangwa abakinnyi ntacyo bigeze batangaza bakigera i Kigali bitewe n’umunaniro, ariko gahunda ihari ni ugukomeza kwitegura undi mukino uzabahuza na Mali kuri Stade Amahoro.
Ni umukino w’umunsi wa kane mu Itsinda K ryo gushaka itike y’Igikombe cya Afurika kizabera muri Tanzania, Uganda na Kenya, uzaba ku wa Kabiri, tariki ya 17 Ugushyingo, Saa Tatu z’ijoro.
Kugeza ubu u Rwanda ni urwa kabiri mu itsinda n’amanota atandatu, rugakurikira Mali ya mbere n’amaota icyenda, mu gihe Cap-Vert yanyagiye Liberia ari iya gatatu n’amanota atatu.
Abafana biteguye gushyigikira Amavubi ku mukino uzabera kuri Stade AmahoroAbafana b'Amavubi bari banezerewe nubwo ikipe yatakaje amanotaItsinda ry'abafana b'abagore bihebeye Amavubi bagiye kwakira abakinnyi bitanzeMbere y'uko Amavubi agera i Kanombe, abafana bari bahageze bari kuririmba indirimbo zitaka igihuguAbafana bari bambariye kwakira AmavubiMuhire Eric ufata amashusho y'Ikipe y'Igihugu y'u Rwanda yari kumwe na yo muri MaliUmunyamakuru, Hagenimana Benjamin, ari mu baherekeje Amavubi Kapiteni w'Amavubi, Bizimana Djihad, yageranye n'abandi i Kigali nubwo bari bamusanze muri Mali Joy-Slayd Mickels yahawe indabo n'abafana bagiye kwakira AmavubiJoy-Slayd Mickels yahawe iminota mike yo gukina muri Mali Joy-Lance Mickels yishimiwe bikomeye n'abafanaLeroy-Jacques Mickels yamaze kugira igikundiro cy'abafana nyuma y'imikino amaze gukinira AmavubiLeroy-Jacques Mickels ari mu bitezwe mu mukino w'i KigaliLeroy-Jacques Mickels yatanze amafoto ku bafana bamukundaNiyongira Patient ni umunyezamu wa gatatu w'AmavubiNiyomugabo Claude ari mu bakinyi b'Amavubi bagoye ubusatirizi bwa MaliUwumukiza Obed ni umwe muri ba myugariro bo mu mpande Amavubi yitabajeNshuti Innocent ntiyahawe umwanya wo gukina mu mukino wabereye muri MaliUmutoza wungirije w'Amavubi, Trishan Patel, na we ari mu bari bajyanye n'ikipe muri MaliAbafana bashimiye rutahizamu w'Amavubi, Abeddy BiramahireNkulikiyimana Darryl yabonye amahirwe yo gukina mu mukino wabereye muri MaliVisi Perezida wa FERWAFA ni we wari uyoboye itsinda ry'abaherekeje Amavubi muri MaliAbafana bakomeye amashyi Stephen Constantine wagerageje kugora Mali iwayoStephen Constantine utoza Amavubi akeneye izindi mbaraga ku mukino uzamuhuza na Mali i KigaliKwizera Jojea yinjije kimwe mu bitego u Rwanda rwabonyePhanuel Kavita ari muri ba myugariro bifashishijwe mu mukino ubanza wa MaliManzi Thierry yongeye guhamagarwa mu Amavubi nubwo atakinnye uyu mukinoNtwari Fiacre yinjirijwe ibitego bitatu muri MaliHari abafana bari baherekeje Amavubi
Ibitekerezo 0