Amatike yo kwinjira muri uyu mukino yashize ku manywa yo kuri uyu wa Gatanu, aho ku nshuro ya mbere ikipe yo mu Rwanda igurishije amatike agashira habura amasaha arenga 24 ngo umukino ukinwe.
Ni umukino wagizwe ibirori, aho biteganyijwe ko Stade Amahoro izafungurwa saa Sita zo kuri uyu wa Gatandatu, maze abitabiriye bakaba basusurutwa n’abarimo DJ Brianne na DJ Crush mu gihe hari n’abahanzi bazitabira ibi birori bya ruhago.
Uretse ibi, Rayon Sports ikaba yanateganyije ibindi bikorwa birimo kurushanwa gutera za Penaliti no gutera amanota neza, ibintu byose bizasaba amajwi asohoka neza ari yo mpamvu yakoze n'igerageza ku mugoroba wo kuri uyu wa Gatanu.
IGIHE yasuye iyi Stade mbere yo kwakira Derby y'imisozi igihumbi.
Amafoto: Kasiro Claude
Ibitekerezo 0