Mu kiganiro n’abanyamakuru kuri uyu wa Kane, Trump yavuze ko gufunga igihugu ataricyo gisubizo kirambye mu gukemura ikibazo gihari.

Ati “Gukomeza gufunga ahubwo biratuma haba ibindi bibazo bikomeye, biratuma abantu biyahuza ibiyobyabwenge, kurwara imitima n’izindi ndwara.”

Kugeza ubu Ishami ry’Umuryango w’Abibumbye ryita ku Buzima, OMS, ryamaze gutangaza ko abanduye Coronavirus ku Isi bageze ku 2183964, abamaze gupfa ni 146873 naho abamaze gukira ni 552823 .

Ibihugu bifite abanduye ndetse n’abapfuye benshi, ku mwanya wa mbere haracyari Leta Zunze Ubumwe za Amerika zifite abanduye 678210, abamaze gupfa ni 34641, Espagne ifite abantu 184948 bamaze kwandura naho 19315 bamaze gupfa, u Butaliyani bufite abanduye 168941 mu gihe 22170 bamaze gupfa.

Mu Bufaransa abantu 165027 bamaze kwandura, abandi 17920 bamaze gupfa.

U Budage bufite abanduye 137698 mu gihe 4052 bapfuye, u Bwongereza bufite abanduye 103093 ariko abamaze gupfa ni 13729.

Ku Mugabane wa Afurika, abantu 19068 bamaze kwandura Coronavirus, abamaze gupfa ni 969 abakize ni 4650.

Kugeza ubu Misiri yaciye kuri Afurika y’Epfo mu kugira benshi banduye kuko ari 2673 mu gihe abamaze gupfa ari 196, ikurikirwa na Afurika y’Epfo ifite abanduye 2605 abapfuye ho bageze kuri 48.

Algeria niho hamaze gupfa abantu benshi muri Afurika kuko ari 348 mu gihe abamaze kwandura ari 2268.

Muri Afurika y’Iburasirazuba, Kenya niyo ikomeje kugira abanduye benshi kuko ubu bageze kuri 234 mu gihe abamaze gupfa ari 11 , mu Rwanda hamaze kuboneka abantu banduye 138 ariko abamaze gukira bageze kuri 60 , Uganda baracyari 55, muri Tanzania hamaze kuboneka abantu 94 hamaze gupfa bane, mu Burundi habonetse batanu, hamaze gupfa umwe mu gihe muri Sudani y’Epfo ari bane banduye.