Kutabasha kugera ku ntego bihaye n’ibyo basabwe ubwo bahabwaga amakipe batozaga birimo kwitwara neza cyangwa kwegukana Igikombe cya Afurika biri mu bitumye kugeza ubu abatoza batandatu bamaze gutandukana n’ibihugu batozaga mu Gikombe cya Afurika kiri kubera mu Misiri.

Amakipe ya Sénégal na Algérie ni yo azahatanira Igikombe cya Afurika cy’uyu mwaka ku mukino wa nyuma, nyuma y’uko Sénégal yasezereye Tunisia iyitsinze igitego 1-0 mu gihe Algérie yatsinze Nigeria ibitego 2-1 mu mikino ya ½ yabaye kuri iki Cyumweru.

Imikino y’Igikombe cya Afurika kiri kubera mu Misiri igeze ahakomeye, aho kuri iki Cyumweru harara hamenyekanye amakipe azakina umukino wa nyuma muri iri rushanwa riri kuba ku nshuro ya 32.

Algérie ikomeje guhabwa amahirwe yo kwegukana Igikombe cya Afurika cy’uyu mwaka kiri kubera mu Misiri, nyuma y’uko isezereye Côte d’Ivoire iyitsinze kuri penaliti 4-3 ubwo amakipe yombi yari amaze kunganya igitego 1-1 mu minota 120 yose. Tunisie na yo yageze muri ½ itsinze Madagascar ibitego 3-0.

Sénégal yabimburiye andi makipe kugera muri ½ cy’Igikombe cya Afurika kiri kubera mu Misiri ubwo yatsindaga Bénin igitego 1-0 mu gihe Nigeria yakomeje isezereye Afurika y’Epfo mu mukino yayitsinzemo ibitego 2-1 kuri uyu wa Gatatu.

Umuyobozi wungirije mu Ishyirahamwe ry'Umupira w'Amaguru mu Burundi (FFB), Habimana Aimable yatawe muri yombi mu gihe hari gukorwa iperereza ku ibura ry'amafaranga y'agahimbazamusyi k'ikipe y'Intamba mu Rugamba ubwo yari muri CAN 2019 iri kubera mu Misiri.

Ikoranabuhanga ry’amashusho ryifashishwa mu misifurire rizwi nka “VAR” [Video Assistant Referee], rigiye gutangira gukoreshwa mu Gikombe cya Afurika kiri kubera mu Misiri, guhera mu mikino ya ¼ izatangira gukinwa kuri uyu wa Gatatu.

Imikino ya 1/8 mu Gikombe cya Afurika kiri kubera mu Misiri yasojwe kuri uyu wa Mbere, yasize Tunisia isezereye Ghana kuri penaliti 5-4 mu gihe na Côte d’Ivoire yageze muri ¼ isezereye Mali nyuma yo kuyitsinda igitego 1-0 mu mukino wari wabanje.

Madagascar iri gukina Igikombe cya Afurika ku nshuro ya mbere, yaraye igeze muri ¼ isezereye Repubulika iharanira Demokarasi ya Congo, iyitsinze kuri penaliti 4-2 ubwo amakipe yombi yari amaze kunganya ibitego 2-2 mu mukino wa 1/8 wabaye kuri iki Cyumweru. Algérie na yo yakomeje imaze gutsinda Guinée ibitego 3-0.

Perezida w’ishyirahamwe ry’umupira w’Amaguru mu gihugu cya Misiri, Hani Abou Rida yeguye ku mirimo ye nyuma y’uko iki gihugu gisezerewe na Afurika y’Epfo muri 1/8 cy'Igikombe cya Afurika kirimo kuhabera, umutoza Javier Aguirre na we arasezererwa.

Igikombe cya Afurika cy’uyu mwaka kiri kubera mu Misiri gikomeje kugaragaramo ugutungurwa ku makipe akomeye, aho nyuma ya Maroc yakuwemo na Bénin, Cameroun ifite irushanwa riheruka yasezerewe na Nigeria mu gihe Misiri iri mu rugo yakuwemo na Afurika y’Epfo mu mikino ya 1/8 yabaye kuri uyu wa Gatandatu.

Imikino ya 1/8 cy’Igikombe cya Afurika yatangiye kuri uyu wa Gatanu yagaragayemo gutungurana gukomeye mu mukino wahuje Maroc na Bénin, aho Abarabu basezerewe kuri penaliti mu gihe Sénégal yageze muri ¼ itsinze Uganda igitego 1-0.

Imikino ya 1/8 mu gikombe cya Afurika iratangira kuri uyu wa Gatanu, ahateganyijwe imikino ibiri irimo uza guhuza Uganda na Sénégal kuri Stade Mpuzamahanga ya Cairo guhera saa tatu z'ijoro.

Nyuma y’imikino y’amatsinda yaraye ishojwe kuri uyu wa Kabiri mu Gikombe cya Afurika gikomeje kubera mu Misiri, hamenyekanye uburyo amakipe 16 yabonye itike ya 1/8 azahura guhera kuri uyu wa wa Gatanu tariki ya 5 Nyakanga 2019.

Imikino isoza amatsinda C na D mu gikombe cya Afurika gikomeje kubera mu Misiri, yongeye kugaragaza ko amakipe yo mu Burabu akomeye mu gihe ayo muri Afurika y’Uburasirazuba akomeje kugayika. Maroc na Algérie zazamutse ziyoboye amakipe yombi mu gihe Tanzania na Kenya zombi zatsinzwe ibitego ibitego 3-0 muri iyi mikino yabaye kuri uyu wa Mbere.

Imikino isoza amatsinda A na B mu Gikombe cya Afurika gikomeje kubera mu Misiri, yasize iki gihugu cyakiriye iri rushanwa na Madagascar ari byo bizamutse biyoboye amatsinda yombi mu gihe Repubulika Iharanira Demokarasi ya Congo yiyongereye amahirwe yo kuza mu makipe azatoranywamo ayitwaye neza ubwo yanyagiraga Zimbabwe ibitego 4-0.

Cameroun ifite Igikombe cya Afurika giheruka, yanganyije na Ghana ubusa ku busa mu mukino w’umunsi wa kabiri wabaye kuri uyu wa Gatandatu, amakipe yose yo mu itsinda F akomeza kugira icyizere cyo gukomeza muri 1/8.

Inzozi za Hervé Renard zo kwegukana igikombe cya Afurika mu makipe atatu atandukanye zirakomeje, ni nyuma y’uko kuri uyu wa Gatanu Maroc atoza yatsinze Côte d’Ivoire igitego 1-0 mu mukino w’umunsi wa kabiri mu itsinda D, ikabona itike yo gukomeza muri 1/8 cy’iri rushanwa rikomeje kubera mu Misiri.

Ikipe y'igihugu y'u Burundi ‘Intamba ku Rugamba’ yatakaje umukino wa kabiri yikurikiranya mu gikombe cya Afurika, aho yatsinzwe igitego 1-0 na Madagascar mu mukino washoboraga kuyiha amahirwe yo gukomeza mu mikino ya 1/8 y’iri rushanwa riri kubera mu Misiri.

Algérie yabaye igihugu cya gatatu kibonye itike ya 1/8 mu gikombe cya Afurika kiri kubera mu Misiri, ni nyuma yo gutsinda Sénégal igitego 1-0 mu mukino w’umunsi wa kabiri mu itsinda C wabaye kuri uyu wa Kane. Undi mukino wahuje amakipe yo muri Afurika y’Uburasirazuba, warangiye Kenya itsinze Tanzania ibitego 3-2.