Mu minsi ishize, umwalimu watwigishaga ururimi rw’Igihongiriya yasabye abifuza gusura pariki y’inyamaswa iri muri Budapest (Budapest Zoo and Botanical Garden) kwiyandikisha. Bitewe na gahunda nyinshi umunyeshuri wiga i Burayi aba afite, nabanje gushaka kutiyandikisha, cyane ko numvaga nta kidasanzwe ndahasanga.

Biragoye kuvuga imijyi ikundwa na ba mukerarugendo ku Isi, ngo wibagirwemo Budapest, umujyi ubarizwamo abaturage barenga miliyoni 1,6 uri ku nkengero z’umugezi wa Danube mu kibaya cya Carpathian.