Jenoside yakorewe Abatutsi hagati ya Mata na Nyakanga 1994 yashobotse kubera ko inzego zose zaba iza Leta ndetse n’abikorera zabigizemo uruhare. Iyi jenoside ntiba yarabaye iyo Inzego z’Ibanze zegereye Abaturage ziba zitaragize uruhare rugaragara mu kuyitegura no gukangurira abaturage kuyijandikamo ari benshi.

Inshingano za Jandarumori y’ u Rwanda kwari ukurinda umutekano w’abaturage no gukora iperereza ry’ibanze kugira ngo hamenyekane abateza ibibazo no kubashyikiriza Ubushinjacyaha kugira ngo baburanishwe mu Nkiko. Aho gusohoza izi nshingano uko bikwiriye, Jandarumori yo ikaba yaragize uruhare mu gushyiraho gahunda zibasira, zikanakandamiza abari mu bwoko bw’Abatutsi no gushyigikira gahunda mbi zakwirakwizwaga n’abanyapolitiki b’intagondwa.

Abahoze ari ingabo z’u Rwanda (FAR) bagize uruhare runini mu itegurwa n’ishyirwa mu bikorwa rya Jenoside yakorewe Abatutsi, Umugambi wa Jenoside watangiye mu Kwakira 1990 urakomeza kugeza izo ngabo zitsinzwe muri Nyakanga 1994, ndetse waranakomeje no muri operasiyo zakurikiyeho, aho ingabo zatsinzwe zakomeje guhungabanya umutekano w’u Rwanda ziturutse aho zari zarahungiye muri Repubulika Iharanira Demokarasi ya Congo, kugeza n’ubu bamwe muri zo bari mu mutwe wa FDLR bakaba bakomeje ibikorwa bizwiho gukomeza umugambi wa Jenoside n'ibyaha byibasiye inyokomuntu mu Karere k'Ibiyaga Bigari.

Jenoside yakorewe Abatutsi mu myaka 30 ishize, kuva muri Mata kugera muri Nyakanga 1994, yabaye umusaruro w’imbuto mbi yabibwe n’abayobozi mu nzego za politiki n’iza gisirikare, ku isonga hakaba Perezida wa Repubulika, Jenerali Majoro Habyarimana Juvénal n’abambari be ba hafi ndetse n’umugore we Agathe Kanziga.

Ku munsi nk’uyu w’itariki ya 22 Mata mu 1994, Leta y’abicanyi yari ikomeje umugambi wayo mubisha wo gutsemba Abatutsi hirya no hino mu gihugu. Iyi nyandiko iragaragaza hamwe mu hantu hashoboye kumenyekana hiciwe Abatutsi kuri iyi tariki ya 22 Mata 1994.

Tariki ya 09 Mata mu 1994, Leta y’abicanyi yakomeje umugambi wayo mubisha wo gutsemba Abatutsi hirya no hino mu gihugu. Iyi nyandiko iragaragaza hamwe mu hantu hashoboye kumenyekana hiciwe Abatutsi tariki ya 9 Mata 1994.

Jenoside yakorewe Abatutsi yarateguwe, bigaragarira mu bikorwa by’ubwicanyi, amagambo y’urwango byayibanjirije, ariko by’umwihariko umugambi wa Jenoside ugaragarira mu buryo ubwicanyi bwatangiriye rimwe mu turere tunyuranye tw’u Rwanda, ubwicanyi busa, bwibasira abatutsi, abana, abakuze, abagore, abarwayi mu bitaro, mu nsengero na za Kiliziya, n’ahandi.

Raporo y’u Rwanda ku ruhare rw’u Bufaransa muri Jenoside yakorewe Abatutsi yerekanye ko u Bufaransa bwari buzi umugambi w’itegurwa rya Jenoside guhera mu 1990, butanga inkunga ku ishyirwa mu bikorwa ryayo.

Igice cya kabiri cy’iyi nyandiko kirerekana ibikorwa by’ingenzi byaranze ishyirwa mu bikorwa ry’umugambi wo gutsemba Abatutsi mu Mujyi wa Kigali guhera tariki 8 Mata 1994 nkuko byasobanuwe na Bizimana Jean wayoboraga Komini ya Nyarugenge.

Abapfobya n’abahakana Jenoside yakorewe Abatutsi mu Rwanda guhera mu Ukwakira 1990 kugera muri Nyakanga 1994 bakunze kwigiza nk’abahakana umugambi w’itegurwa n’itsembwa ry’Abatutsi mu Rwanda.

Ku matariki ya 03 na 4 Nyakanga 1994, FPR-Inkotanyi yigaruriye Imijyi ya Butare na Kigali itsinze burundu ingabo za Leta y’abicanyi. Agenda ya Minisitiri Edouard Karemera igaragaza ko ku wa 01 Nyakanga 1994 inama ya Guverinoma y’Abatabazi yateranye iyobowe na Minisitiri w’Intebe Jean Kambanda igasuzuma imiterere y’ibibazo bari bafite. Muri byo, icyo batinzeho ni ikirebana n’icyizere bari bafite ko ingabo z’Abafransa zari muri Operasiyo Turquoise bizeraga ko zizabafasha ku mugaragaro kurwana na FPR-Inkotanyi, ariko ngo bagasanga atari ko bimeze, bityo bemeza kohereza byihutirwa intumwa i Paris kugira ngo baganire kuri icyo kibazo.

Kudatabara Abatutsi mu Bisesero byabaye ikosa rikomeye kuri Operation Turquoise. Kuba abasirikare b’Abafaransa barageze mu Bisesero ku wa 27 Kamena 1994, byatumye Abatutsi bari bararokotse ubwicanyi bigaragaza nyuma 2,000 muri bo baricwa. Ibyo byabaye hari abanyamakuru b’abanyamahanga kandi abatangabuhamya b’Abanyarwanda benshi bemeje iyo myifatire mibi ya bamwe mu basirikare bakuru ba Operation Turquoise.

Abasirikare b’Abafaransa bageze i Murambi ku wa 24 Kamena 1994. Byavugwaga ko baje mu butabazi mu Nkambi za Murambi na Nyarushishi kimwe no mu Bisesero ariko abatangabuhamya b’impunzi n’Interahamwe zari mu nkengero z’inkambi bavuze ko Interahamwe zakomeje kwica Abatutsi kandi ko abasirikare b’Abafaransa bafashe ku ngufu abari baracitse ku icumu kandi bagombaga kubaha umutekano.

Mu gihe Guverinoma y’abicanyi yakomezaga gushishikariza no guha abaturage amabwiriza yo gutsemba Abatutsi, Umuryango w’Abibumbye (ONU) wakomeje kwirengagiza ubwicanyi bwarimo gukorerwa Abatutsi.

Abasirikare b’Abafaransa bageze i Nyarushishi tariki ya 23 Kamena 1994. Byavugwaga ko Operasiyo Turquoise yari ije cyane cyane gutabara abantu bari barahungiye mu nkambi ya Nyarushishi ariko ubuhamya bw’impunzi n’ubwa bamwe mu Nterahamwe zakoreye muri ako gace buvuga ko ahubwo Abatutsi bakomeje kwicwa n’Interahamwe, kandi ko abasirikare b’Abafaransa bafashe ku ngufu abagore n’abakobwa b’impunzi bavugaga ko baje kurinda.

Kuva muri Mata 1994, FPR yiyemeje kurwanya Jenoside, irwana inkundura na Guverinoma y’ abicanyi, bituma irokora ubuzima bw’abantu ibihumbi n’ibihumbi bari bagiye kwicwa. Mu gihe cya Jenoside, abasirikare ba Guverinoma y’abicanyi barimo batsindwa ku rugamba, bitabazaga buri gihe u Bufaransa kugira ngo bubafashe. Guverinoma y’abicanyi yabonaga operasiyo Turquoise nk’igisubizo ku byo yifuzaga, n’u Bufaransa bukayibonamo uburyo bwo kuyitabara.

Mu gihe Guverinoma y’abicanyi yarimo itsindwa ku rugamba, yakoze uko ishoboye kugira ngo yihutishe ubwicanyi mu turere yagenzuraga.

Inama ya Guverinoma yo ku wa 17 Kamena 1994 yemeje ko Abatutsi bo mu Bisesero bagomba kwicwa ku buryo bwihuse, kandi hagafatwa ingamba zo kurinda ibikorwa remezo byo mu karere Bisesero iherereyemo. Ishyirwa mu bikorwa ry’ubwo bwicanyi ryarihutishijwe ku buryo bwose bushoboka bikozwe na Guverinoma ya Kambanda n’abasirikare bayo.

Ubutwari bw’Abatutsi bo mu Bisesero bumaze kumenyekana mu mateka ya Jenoside yakorewe Abatutsi. Muri 1994, Abasesero bahanganye n’ibitero by’Interahamwe igihe kirenze amezi abiri kugeza ubwo Inama ya Guverinoma ya Kambanda ishyira icyo kibazo ku byagombaga kwigwaho mu nama yo ku wa 17 Kamena 1994.

Amatariki ya nyuma ya Kamena 1994 yaranzwe no gutsindwa kw’ingabo za Guverinoma y’abicanyi zitakaza ibice byinshi by’Umujyi wa Kigali n’Umujyi wose wa Gitarama wabohowe mu ijoro ryo ku wa 13-14 Kamena 1994. Ibyo byatumye Abatutsi bari basigaye bakihishe kuri paruwasi gatorika ya Sainte Famille no mu kigo cya Centre National de Pastorale Saint Paul bicwamo bikozwe n’interahamwe ziyobowe n’abakuru b’ingabo barimo Koloneli Renzaho Tharcisse na Koloneli Laurent Munyakazi.