Isi iri kubamo impinduka zidasanzwe muri iki kinyejana. Izo mpinduka ahanini zirangwa n’izamuka ry’ibihugu bigana ku iterambere n’uburyo bigira ijambo mu by’ukungu na politiki. Mu by’ukuri ntibyigeze bibaho kuri bihugu biri mu nzira y’iterambere dore ko ari byo bifite umugabane munini w’abatuye isi (bagera kuri 80% uyu munsi) kandi bamaze imyaka amagana bari mu buzima bubi. Abantu bose baremwe kimwe bareshya, si ko biri? Nk’igihugu kirimo gutera imbere ku isi, ni uwuhe musanzu u Bushinwa bwatanga mu kuzana iterambere ku Isi?

Umwaka wa 2020 ntabwo usanzwe kandi ufite icyo usobanuye cyane haba ku Bushinwa, u Rwanda n’Isi muri rusange. Mu gihe Covid-19 igishegesha isi, u Bushinwa n’u Rwanda byakomeje gufatanya mu guhangana n’ingaruka zayo, kubyaza umusaruro amahirwe, gukuraho imbogamizi, guteza imbere ubwizerane n’ubufatanye bwungukira impande zombi ndetse no guteza imbere imibereho myiza y’abaturage b’ibihugu byombi.