00:00:00 IGIHE NETWORK KN KINYARWANDA EN ENGLISH FR FRANCAIS

Ububiko bw’umunyarwanda bwasahuwe n’abigaragambya i Goma

Yanditswe na Mukwaya Olivier
Kuya 16 June 2022 saa 02:19
Yasuwe :

Imyigaragambyo y’abanye-Congo yabereye ku mupaka wa RDC n’u Rwanda i Goma, yasize iheruheru bamwe mu banyarwanda bafite amaduka n’ububiko muri uyu mujyi kuko yigabijwe na bamwe mu nsoresore zikayasahura.

Umwe mu bahuye n’akaga ni Sandro Shyaka, umucuruzi ukomeye mu Karere ka Rubavu ariko ufite ibikorwa mu Mujyi wa Goma. Ububiko bw’ibicuruzwa bye bwasahuwe n’abigaragambya.

Mu kiganiro yagiranye na IGIHE, Shyaka yavuze ko batwaye amafi yari mu bubiko afite agaciro kangana na miliyoni 9Frw.

Ati ’’Babonye abagore b’abanyarwanda bacururiza imbere y’iwanjye babirukaho binjira iwanjye bafungura ahabikwa amafi bakuramo afite agaciro ka miliyoni 9Frw. Bagerageje kwinjira muri supermarket [iguriro] ntibyakunda kubera umupolisi".

Shyaka ashimira Meya wa Goma kuko yamutabaye akamuha abapolisi bo gucunga umutekano w’ibikorwa bye, akamwizeza kumuba hafi kandi ko ibikorwa yakorewe bitazongera.

Ahandi hagaragaye urugomo i Goma ni urusengero rwarimo abanyamulenge, rukaba rwatewe amabuye rukangirika.

Nyuma y’ibi bikorwa byo gusahura imitungo y’abanyarwanda i Goma, Guverineri w’Intara y’Uburengerazuba, Habitegeko François, yavuze ko guverinoma ya Repubulika Iharanira Demokarasi ya Congo ifite inshingano zo kurinda Abanyarwanda baba i Goma n’imitungo yabo.

Guverineri Habitegeko yavuze ko ari inshingano z’ubuyobozi bwa RDC guharanira ko abaturage bari mu gihugu cyabo batekana n’ibyabo. Yakomeje avuga ko u Rwanda ruzakomeza gufungura umupaka, kandi ntawe ruzabuza kwinjira mu gihugu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .