00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yagabiye inka Nyiramandwa w’imyaka isaga 100

Yanditswe na Prudence Kwizera
Kuya 26 Gashyantare 2019 saa 08:43
Yasuwe :
0 0

Perezida Paul Kagame yagabiye inka umukecuru Nyiramandwa Rachel wo mu Murenge wa Gasaka mu Karere ka Nyamagabe, nyuma y’uko imwe muri ebyiri yahawe ipfuye indi ikaba itamuha umukamo.

Yayimugabiye kuri uyu wa Kabiri ubwo yari mu Karere ka Nyamagabe muri gahunda yo gusura abaturage no kuganira nabo.

Uwo mukecuru ni umupfakazi wa Jenoside yakorewe abatutsi. Yakunze kugaragara ari kumwe na Perezida Kagame baganira iyo yasuye Akarere ka Nyamagabe.

Ubwo Perezida Kagame yari akimara gusezera ku baturage kuri uyu wa Kabiri uwo mukecuru yamwegereye aramuhobera baraganira bishimye baseka. Perezida Kagame yahise asaba ko abari gucuranga umuziki bawuhagarika maze bazanira uwo mukecuru w’imyaka 109 indangururaamajwi avuga ikimuri ku mutima.

Nyiramandwa yashimiye Perezida Kagame imiyoborere myiza ye n’uko aharanira guteza imbere abanyarwanda, asaba ko ‘Imana yakomeza kumutiza imbaraga agakomeza ibikorwa byiza akora.’

Yahise amushimira ko yamuhaye inka ebyiri ariko aza kugira ibyago imwe igapfa.

Perezida Kagame yamubabije niba iyasigaye ikamwa akabona amata maze asubiza agira ati “Reka da! Nyanywa nyaguze rwose!”

Umukuru w’Igihugu yahise amubwira ko azamuha indi ikamwa.

Ati “Nzaguha ifite amata.”

Nyiramandwa yishimye cyane amusabira umugisha ku Mana.

Inkuru wasoma:Byinshi kuri Nyiramandwa w’imyaka 107 umaze kwitabira ibikorwa byo kwiyamamaza kwa Kagame ubugira kabiri

Perezida Kagame aramukanya na Nyiramandwa
Yateze amatwi Nyiramandwa nyuma yo kuramukanya
Yamusabye kuvuga ikimuri ku mutima, abanza kumushimira imiyoborere ye
Perezida Kagame yeretswe urukundo rukomeye i Nyamagabe
Abakuru n'abato bari bagiye kumwakira
Perezida Kagame yari yasuye Akarere ka Nyamagabe kuri uyu wa Kabiri
Nyiramandwa aganira na Perezida Kagame mu bikorwa byo kwiyamamaza mu 2010
Nyiramandwa yagaragaye yongorera Kagame ubwo yamuramutsaga mu bikorwa byo kwiyamamaza mu 2017

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .