Muri INES Ruhengeri hatangijwe umushiga ugamije guteza imbere uburezi muri Kaminuza

Yanditswe na N.Kubwimana Janvière
Kuya 18 Gashyantare 2020 saa 06:00
Yasuwe :
0 0

Ishuri rikuru ry’ubumenyi ngiro INES- Ruhengeri, riherereye mu Karere ka Musanze , ryatangirijwemo umushinga wiswe Enhancement of Rwanda higher Education in Strategic field for sustainable growth (Erasmus Plus EnRHEd Project) ugamije guteza imbere uburezi muri kaminuza mu masomo yihariye, hagamijwe iterambere rirambye.

Uyu uterwa inkunga n’Umuryango w’Ubumwe bw’u Burayi (EU) ku bufatanye na Kaminuza zimwe zo mu Rwanda uzafasha abanyeshuri b’abanyarwanda kujya guhaha ubumenyi mu bijyanye n’ibiribwa, Ikoranabuhanga no kurengera ibidukikije muri izo kaminuza no kubona abarimu baziturutsemo baza kubigisha mu Rwanda.

Uyu mushinga uzwi ku izina rya Erasmus + program, uzashyirwa mu bikorwa n’ihuriro rya kaminuza n’amashuri makuru arindwi ariyo INES Ruhengeri, Kaminuza y’u Rwanda,UTAB, IPRC-Musanze na kaminuza z’i Burayi nka University of Parma, Université de Liège, University of Applied Science of Cologne n’izindi.

Umuyobozi w’ishuri rikuru ry’ubumenyingiro rya INES Ruhengeri, Padiri Hagenimana Fabien avuga ko uyu mushinga uzagira uruhare runini mu iterambere ry’igihugu kuko bizafasha abarangiza Kaminuza gukorana neza n’inganda n’abo bazasanga ku isoko ry’umurimo.

Ati "Iterambere ntirishoboka uburezi butabigizemo uruhare, uyu mushinga rero uzatuma abarangiza za Kaminuza bakorana neza n’inganda zihari cyane izitunganya ibiribwa cyane ko natwe twigisha ibijyanye nabyo, bazi neza gukorana n’abafatanyabikorwa bazasanga ku isoko ry’umurimo, bityo uruhare rwacu mu iterambere ry’igihugu rutange umusaruro wifuzwa".

Uhagarariye ibikorwa by’uyu mushinga mu bihugu byose ukoreramo, akaba n’umwarimu w’igihe gito muri Ines-Ruhengeri, Prof. Roberto Valentino, avuga ko uyu mushinga ugamije kuzamura ubushobozi bwa kaminuza ukoreramo.

Ati " Uyu mushinga uzatuma habaho kuzamura ubushobozi bwa Kaminuza zo mu Rwanda zirimo na Ines- Ruhengeri. Tuzahuriza hamwe mu kuvugurura porogaramu zari zisanzwe zigishwa cyane mu bijyanye no gutegura ibiribwa, ikoranabuhanga mpuzamahanga no kubungabunga ibidukikije, byose bizigishwa mu buryo bushya hagamijwe kuzamura ubushobozi bw’ababyiga"

Ni umushinga uzamara imyaka itatu, ukazatwara agera kuri miliyoni 900 frw, aho abanyeshuri bazajya baturuka muri kaminuza zo mu Rwanda zikorana nawo ndetse n’abarimu babigisha bakajya i Burayi guhaha ubumenyi, ab’i Burayi nabo bakaza mu Rwanda bagasangizanya ubunararibonye.

Uyu mushinga watangirijwe muri Ines-Ruhengeri, wagezweho binyuze mu marushanwa ya za Kaminuza zitandukanye ku isi, aho hatanzwe imishinga igera kuri 860 ikwiriye guterwa inkunga, uwa INES Ruhengeri wo guteza imbere ibijyanye n’ibiribwa ndetse n’ibidukikije.

Umushinga watangijwe witezweho kuzamura ireme ry'ibyishwa muri Kaminuza zo mu Rwanda
INES Ruhengeri yiteze kuzamura urwego rw'amasomo ajyanye n'ibiribwa ndetse n'ay'ibidukikije
Inzobere z'i Burayi zizajya ziza kwigisha mu Rwanda n'izo mu Rwanda zijye kwigisha muri Kaminuza z'i Burayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .