Ikibazo cy’ubwiherero rusange kigiye kuba umugani mu Mujyi wa Kigali

Yanditswe na Twarabanye Venuste
Kuya 5 Ukwakira 2019 saa 11:18
Yasuwe :
0 0

Umujyi wa Kigali watangaje ko ugiye kubaka ubwiherero rusange hirya no hino mu mujyi mu gukemura ikibazo cy’ababukenera mu bagera kuri miliyoni 1.2 bawugendamo.

Kugeza ubu mu Mujyi wa Kigali hari ubwiherero rusange 31.

Ibi ni ikibazo gikomeye mu mujyi urimo abagera kuri miliyoni 1.2 kuko n’ubuhari butari ku mihanda minini y’Umujyi wa Kigali.

Uwitwa Carine yabwiye Saturday Times ko aherutse kubura ubwiherero muri Nyabugogo.

Ati “Mperutse kumva nkeneye gukoresha ubwiherero bw’abagore ubwo nari Nyabugogo, ariko naje gusanga bigoye kuhabona ubwiherero rusange.”

Ubuyobozi bwigeze gusaba amahoteli kujya yorohereza abagenzi gukoresha ubwiherero bwabo ariko ntacyo byakemuye.

Ikibazo cy’ubwiherero rusange mu mujyi wa Kigali gishobora kuba umugani kuko umujyi wa Kigali ugiye kubaka ubusaga 118 mbere y’uko uyu mwaka w’ingengo y’imari urangira.

Sitasiyo z’ibikomoka kuri Peteroli nizo zifite ubwiherero rusange bwinshi. Umujyi washyizemo abikorera n’ihuriro ry’abahoze ari ingabo (REBU) kubaka ubundi.

Nadine Umutoni ushinzwe iterambere ry’ubukungu mu mujyi wa Kigali yavuze ko REBU yitezweho kubaka 39 ku mihanda minini, mu gihe ubundi 16 buzubakwa na sitasiyo z’ibikomoka kuri peteroli.

Imijyi yunganira Kigali na yo izubaka ubwiherero rusange mu rwego rwo gukemura ikibazo cy’abayigendamo babukenera.

Felicie Tombola, ushinzwe itumanaho mu mujyi wa Kigali yavuze ko gahunda yo kubaka ubwo bwiherero yateganyije uburyo isuku yabwo izajya yitabwaho.

Ukoresheje ubwiherero rusange azajya yishyura 100 Frw azajya akoreshwa mu bikorwa by’isuku no gusana ibyakwangirika.

Ikibazo cy'ubwiherero rusange kigiye gukemuka muri Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza