00:00:00 IGIHE NETWORK KN KINYARWANDA EN ENGLISH FR FRANCAIS

Havutse umuryango ufasha gushakira ababyeyi abana babo bazimiye muri jenoside

Yanditswe na

Gilbert Mwizerwa

Kuya 19 Nyakanga 2014 saa 01:44
Yasuwe :
0 0

Nyuma ya jenoside yakorewe abatutsi mu Rwanda hakomeje gushakwa ibisubizo n’inzira zo gukomeza komora ibikomere cyane cyane ku miryango yabaye inshike, haba ku babyeyi no ku bana by’umwihariko aho usanga hari n’abafashwe n’abandi bantu ariko ntibamenye iwabo w’abana bafashe wenda n’ubu bigatuma babafata nk’abana babo nyamara na none hari abasigaye mu miryango yabo bakiri mu gahinda.
Ibi ni kimwe mu ntumbero y’umuryango Cri du Cœur d’une Mère qui Espère (CCMES) tugenekereje mu Kinyarwanda bivuze (...)

Nyuma ya jenoside yakorewe abatutsi mu Rwanda hakomeje gushakwa ibisubizo n’inzira zo gukomeza komora ibikomere cyane cyane ku miryango yabaye inshike, haba ku babyeyi no ku bana by’umwihariko aho usanga hari n’abafashwe n’abandi bantu ariko ntibamenye iwabo w’abana bafashe wenda n’ubu bigatuma babafata nk’abana babo nyamara na none hari abasigaye mu miryango yabo bakiri mu gahinda.

Ibi ni kimwe mu ntumbero y’umuryango Cri du Cœur d’une Mère qui Espère (CCMES) tugenekereje mu Kinyarwanda bivuze (Ijwi ry’Umubyeyi Utihebye) nyuma y’aho Béatrice Mukamulindwa watangije uyu muryango yabuze abana be batatu, na bisengeneza be babiri mu gihe cya jenoside yakorewe abatutsi muri 1994. Aha ngo inshuti ze zakomeje kumushyigikira, abasha gukora ingendo nyinshi, ashakisha abana be ajya mu bihugu bikikije u Rwanda, ndetse no hirya no hino muri Afurika, no mu bihugu by’Uburayi dore ko abana benshi bari barazimiye bakomeje kuza urusorongo, bashakisha imiryango yabo.

Mu kiganiro na IGIHE, Béatrice Mukamulindwa yatangaje ko muri iyo nzira ndende ashakisha abo abana, ari ho yahumukiye, abona uburemere bw’icyo kibazo cy’ababuranye n’ababo. Mu gihe benshi bemeza ko ababuze bose bapfuye, yahuye na benshi bafite ipfunwe ryo kutamenya irengero ry’ababo, n’abandi bafite iryo kutamenya inkomoko yabo bityo yiyemeza gushinga CCMES no kwitangira igikorwa cyo guhuza ababuranye n’ababo, cyo kubafasha kwiyegeranya (écoute et assistance), no kubamara ubwoba, kubatinyura gushakisha, kuko ababyeyi benshi batinya ko beruye ko bagifite icyizere, babita abarwayi bo mu mutwe.

Uyu muryango uzitangira ibikorwa binyuranye, harimo ibitinyura abafite abana batari ababo kubivuga aho n’izina “Ijwi ry’Umubyeyi Utihebye” ubwabyo bitanga ubutumwa bwo guhumuriza abacitse ku icumu n’abahungabanijwe n’intambara, ndetse n’ababyeyi, n’abana bose bagitegereje guhura n’ababo.

Ijwi ry’Umubyeyi Utihebye, ni Umuryango Nyarwanda udaharanira Inyungu (ONG/NGO) ufite icyicaro mu Karere ka Rubavu, mu Ntara y’Uburengerazuba. Intego yayo y’ingenzi ni ukurwanira gusana imitima yahungabanijwe na jenoside uharanira cyane cyane gufasha ababyeyi batigeze bamenya irengero ry’abana babo, batamenye niba barapfuye, cyangwa barazimiye, aho abo bana bafatwa nk’abapfuye ariko nta nkuru yabo izwi neza.

Hejuru ku ifoto: Béatrice Mukamulindwa


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .