Dusenguremuremyi yanditse igitabo kigaragaza icyo Afurika ikeneye kugira ngo itere imbere

Yanditswe na Ndahayo Emmanuel
Kuya 21 Nzeri 2020 saa 08:51
Yasuwe :
0 0

Umwanditsi Dusenguremuremyi Anatole yasohoye igitabo yise ‘Shame on you Africans, not Africa’, bisobanuye ‘ikimwaro ku Banyafurika, aho kuba Afurika’, kigaragaza icyo Afurika yabuze kugira ngo igire iterambere rirambye.

Ni igitabo kigaruka ku myumvire yabase Afurika, aho Dusengumuremyi avuga ko Abanyafurika bakwiye gutekereza ibintu bifite akamaro, birimo kwizigamira, gushora imari n’ibindi nk’ibyo.

Mu gitabo cye, uyu mugabo asobanura ko Abanyafurika bakwiye gukorwa n’isoni kuko ntacyo babuze, ariko bakaba badatekanye kandi bakennye, nyamara umutungo wayo batawubyaza umusaruro.

Yongeyeho ko urebye muri rusange, Abanyafurika bacye ari bo babayeho neza, abandi benshi bakaba bakennye, ati “Nabaye muri Afrika mu myaka mbayeho yose, umubare w’abababaye ni benshi kurusha abishimye, niyo mpamvu dukwiye gukorwa n’isoni”.

Yasobanuye kandi ko imico irimo gusenga cyane nta kinini yungura Afurika, ati “ibintu by’amadini bifite ingaruka nini ku bigendanye n’imiterereze y’Abanyafurika, kuko hari imyigishirize ihabwa Abanyafurika ariko itari bugire aho ibajyana”.

Iki gitabo kandi kinenga uburyo Afurika ikomeza kuba umugabane ufashwa, kikavuga ko ibi nta cyo byayigezaho, ndetse ko umuco nk’uyu wo gutegereza ak’imuhana, ari wo ntandaro y’ibibazo birimo inzara umugabane wa Afurika uhura na byo, ahanini biterwa n’uko Abanyafurika badahaguruka ngo bakemure ibibazo byabo.

Aha ni ho Dusengumuremyi ahera yemeza ko Abanyafurika basinziriye, ndetse iyi myitwarire ari yo ituma Afurika isuzugurwa.

Ashingiye ku ngamba zafashwe zo kwirinda ikwirakwira ry’icyorezo cya Coronavirus, zirimo kugabanya abakozi hagakora abakenewe gusa, uyu mugabo atanga ubutumwa bwo kurushaho gukora cyane, kugira ngo abantu bongere agaciro kabo.

Yagize ati “Abantu bakwiye gusoma iki kitabo bakiga icyo bita ‘universal law’, (itegeko rusange) rikwigisha ko uko wakoze ibintu uyu munsi, ejo ushyiramo akantu k’impinduka kugira ngo ugire umusaruro utandukanye n’uwo uyu munsi wabonye”
Yashimangiye ko ‘iri tegeko rusange’ rinakubiyemo kwizigamira kugira ngo mu minsi mibi, uzabone ikikugoboka”.

Uyu mugabo kandi asaba Abanyafurika gushora mu mpano zabo kugira ngo bazikuze, kuko ari bwo bazazibyaza umusaruro kandi bakarushaho kuzishimira.

Yagize ati “Mu bushakashatsi nakoze, nasanze ikintu ushoye ahantu gikura kandi kikabyara, kikavamo ikintu kinini, buvuze nk’Umunyafurika, ukenewe gushora ikintu ariko noneho si ugushora muri buri kimwe, ahubwo gikwiye kuba mu mpano yawe.”

Umwanditsi Dusabumuremyi Anatole avuga ko Afurika ikeneye guhindura imyumvire kugira ngo itere imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .