Depite Frank Habineza yatewe n’abajura, umwe arafatwa

Yanditswe na Twarabanye Venuste
Kuya 13 Nyakanga 2020 saa 12:14
Yasuwe :
0 0

Abajura binjiye mu rugo rwa Depite Frank Habineza kuri iki Cyumweru, batangira kwiba bahereye ku bintu byari hanze, umwe afatwa n’umuzamu wo mu rugo.

Urugo rwa Depite Habineza ruherereye mu Murenge wa Bumbogo mu Karere ka Gasabo, rwatewe n’abajura ahagana mu masaha ya saa cyenda z’ijoro kuri iki Cyumweru.

Yabwiye IGIHE ko abo bajura bigabyemo amatsinda, bamwe bagasigara inyuma y’igipangu abandi barurira bajyamo imbere, batangira kwiba bahereye ku bintu byari hanze, umuzamu ahita abumva afata umwe abandi bariruka.

Umuzamu yahise atabaza ndetse akomeza kugundagurana n’umwe yari yafashe ngo atamucika, abandi barabyuka n’abaturanyi baratabara. Bateshejwe ibintu birimo n’ibyo bari bibye mu rugo rw’abaturanyi.

Yakomeje ati "Baraje basimbuka igipangu, hari ibyari biri hanze barabitwara noneho bagerageza kwinjira mu nzu, ushinzwe umutekano wacu aba arababonye afata umwe abandi barasimbuka bagwa inyuma, ariko hari n’umuturanyi bari bamaze kwiba ariko ntabwo yari yabimenye, bahavuye baza iwanjye noneho umuzamu amaze kumufata turabyuka noneho n’abaturanyi baraza baratabara, bahita babijugunya mu busitani bw’umuturanyi."

Muri Kanama 2018 ubwo Frank Habineza yari yagiye kwiyamamariza mu Karere ka Kayonza mu matora y’Abadepite, abajura bateye urugo rwe biba ibikoresho birimo televiziyo, radiyo n’ibindi bikoresho byari mu ruganiriro.

Ntabwo abamwibye icyo gihe barafatwa.

Umwe mu bakekwaho kujya kwiba kwa Depite Habineza yafashwe n'umuzamu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .