Umwihariko wa Airtel Money yashyizeho uburyo bwo kohereza agera kuri miliyoni 4 ku munsi

Yanditswe na Nkurunziza Ferdinand
Kuya 16 Mata 2020 saa 09:26
Yasuwe :
0 0

Sosiyete y’itumanaho ya Airtel Rwanda ikomeje korohereza abakiriya bayo muri gahunda ya Guma mu Rugo, hirindwa ikwirakwira ry’icyorezo cya Coronavirus, ibashyiriraho uburyo bubafasha kohereza agera kuri miliyoni enye ku munsi, ibintu bitapfa kuboneka ahandi.

Muri iki gihe Isi ihangayikishijwe n’icyorezo cya Coronavirus, ibikorwa by’ubukungu hafi ya byose byarahagaze; gusa hari imirimo bishoboka ko ikorerwa mu ngo, bituma hari n’ihererekanya ry’amafaranga rikorwa nyamara abantu bakangurirwa kwirinda kujya kuri za banki cyangwa guhana amafaranga mu ntoki.

Kugeza ubu abakoresha Airtel Money ni bo bonyine bemerewe kohereza amafaranga agera kuri miliyoni enye (4 000 000 Frw) ku munsi.

Airtel Rwanda yakoranye bya hafi na Banki Nkuru y’u Rwanda (BNR) muri gahunda yo koroshya ibijyanye no kwishyura no guhererekanya amafaranga hakoreshejwe ikoranabuhanga, hagamijwe kurinda abafatabuguzi bayo kwandura icyorezo cya Coronavirus binyuze mu ihererekanya ryayo.

Usibye gahunda yo kohererezanya amafaranga ku buntu yashyizweho mu buryo bwari busanzwe, abakoresha Airtel Money ntibagarukira kuri miliyoni imwe ku munsi nkuko bimeze mu bindi bigo by’imari.

Ibi byiyongera kuri gahunda yatangiye y’uko nta mafaranga azongera gukatwa ubikuza amafaranga hagati ya konti ya banki na Airtel Money.

Umuyobozi Mukuru wa Airtel Rwanda, Amit Chawla, yavuze ko iyi ari inkuru nziza ku bakiriya babo muri ibi bihe bikomeye.

Yagize ati “Muri ibi bihe bikomeye, ni inkuru nziza ku bakiriya bacu kuba batazongera gukatwa ku kintu cyose bifuza gukora ku mafaranga yabo bakoresheje Airtel Money.”

Yakomeje avuga ko abakiriya ba Airtel bazajya bakoresha telefone zabo, bashobora gukura amafaranga kuri banki nta mpungenge, bakihahira ibicuruzwa nta kibazo cyo gukatwa bahuye na cyo.

Airtel ni cyo kigo cyonyine kimaze gushyiraho uburyo bwinshi kandi butandukanye bufasha abakiriya bacyo kwirinda no guhangana n’ingaruka za Coronavirus.

Ubuyobozi bw’iki kigo buvuga ko bukomeje gukurikiranira hafi uko icyorezo cya Coronavirus kiri kugira ingaruka ku batuye isi by’umwihariko abakiriya bayo n’abanyarwanda muri rusange.

Airtel itangaza ko iri gukorana bya hafi na Guverinoma y’u Rwanda kandi izakomeza gukora ibishoboka byose ngo igabanye guhura hagati y’abantu no guhanahana amafaranga mu ntoki.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .