Abashinzwe abakozi muri RCS basabwe kwirinda amakosa mu kazi

Yanditswe na Twarabanye Venuste
Kuya 14 Gashyantare 2020 saa 04:14
Yasuwe :
0 0

Urwego rw’igihugu rushinzwe imfungwa n’abagororwa, RCS rwasabye abakozi barwo bashinzwe imicungire y’abakozi (Human Resources) n’abashinzwe ibikoresho (Logistics), kurushaho kunoza akazi kabo no kwirinda amakosa ayo ariyo yose yabangamira iterambere ry’urwo rwego.

Abo bakozi babisabwe kuri uyu wa Gatanu tariki 14 Gashyantare 2020, ubwo hasozwaga amahugurwa y’iminsi 10 yahabwaga abacungagereza 40 barimo abashinzwe imicungire y’abakozi n’abashinzwe ibikoresho, yaberaga mu Kigo cy’Igihugu cy’amahugurwa mu by’Imicungire y’abakozi n’umutungo (RMI) mu Karere ka Muhanga.

Umuvugizi wa RCS, SSP Sengabo Hillary, yavuze ko ari icyiciro cya mbere, cyayo ko azakomereza ku bindi byiciro by’abakozi b’Urwego rw’igihugu rushinzwe imfungwa n’abagororwa.

Yavuze ko nko ku ruhande rw’abashinzwe abakozi bahawe amasomo abafasha kubongerera ubumenyi mu gucunga dosiye z’abakozi, zirimo amasezerano yabo y’akazi, uburenganzira bwabo n’ibindi bikenewe ngo umukozi n’umukoresha bubahirize ibyo basabwa.

ACP Gatete Camille wavuze mu izina ry’abahuguwe, yatanze icyizere ko bagiye gukosora amakosa bajyaga bakora mu kazi.

Intumwa ya Komiseri mukuru wa RCS mu gusoza ayo mahugurwa, ACP Alex Bahizi Kimenyi yavuze ko bazakomeza gufatanya n’urwego rw’igihugu rw’iterambere (RDB) mu gutera inkunga amahugurwa nk’ayo ku bacungagerereza.

Ku basoje icyiciro cya mbere cyayo yabasabye ko bajya gushyira mu bikorwa ibyo bayakuyemo, bakagaragaza impinduka mu mikorere yabo.

Abari mu mahugurwa ni abayobozi bungirije ba gereza zose 13 n’abashizwe imicungire y’ibikoresho; bose biganjemo aba Ofisiye.

Abacungagereza 40 nibo bari bamaze iminsi 10 bahugurwa
Basabwe kunoza akazi kabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .