00:00:00 IGIHE NETWORK KN KINYARWANDA EN ENGLISH FR FRANCAIS

Urukiko rwemeje ko indogobe zikomeza kubagwa muri Kenya

Yanditswe na Bukuru JC
Kuya 7 Gicurasi 2021 saa 12:56
Yasuwe :
0 0

Abanya-Kenya bari mu byishimo nyuma y’aho urukiko rutesheje egaciro icyemezo cyari cyafashwe na Minisiteri y’Ubuhinzi n’Ubworozi cyo guhagarika icuruzwa ry’inyama z’indogobe.

Muri Gashyantare umwaka ushize nibwo Minisiteri y’ubuhinzi n’ubworozi muri Kenya yabujije icuruzwa ry’inyama z’indogobe nyuma y’uko imiryango irengera inyamaswa igaragaje ko izo nyamaswa zikomeje kugabanyuka cyane.

Mu mwaka wa 2012 nibwo Kenya yemeye icuruzwa ry’inyama z’indogobe n’ibizikomokaho nyuma yo kubona isoko ryazo mu Bushinwa.

Minisiteri y’Ubuhinzi n’Ubworozi yatangaje ko kwemera icuruzwa ry’inyama z’indogobe byari amakosa akomeye kuko byatumye izo nyamaswa zigabanyuka cyane mu gihugu.

Amabagiro y’indogobe niyo yajyanye ikirego mu rukiko avuga ko icyemezo cya Minisiteri cyabahombeje, bityo bagasaba ko kivanwaho.

BBC yatangaje ko muri Kenya habarizwa nibura miliyoni 1.2 z’indogobe mu gihe mu myaka icumi ishize hari hari indogobe miliyoni 1.8.

Hari hashize umwaka kubaga indogobe bihagaritswe muri Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .