00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Ababyeyi bamwe batangiye gukura abana ku mashuri kubera Ebola

Yanditswe na Rosine Ingabire
Kuya 28 Nzeri 2022 saa 09:55
Yasuwe :

Mu gihe Uganda yibasiwe n’icyorezo cya Ebola, bamwe mu babyeyi batangiye kuvana abana babo ku mashuri batinya ko bashobora kwandura icyo cyorezo.

Hashize iminsi uduce dutandukanye twa Uganda by’umwihariko Mubende na Kyegegwa hagaragara abarwayi ba Ebola imaze guhitana abasaga 20.

Leta yijeje ababyeyi ko abana babo bazitabwaho ku mashuri ku buryo nta mpungenge, ariko ababyeyi bamwe banze kubyemera batangira gukura abana ku mashuri nkuko Daily Monitor yabitangaje.

Nko muri Mubende, ubwitabire bw’abanyeshuri ku mashuri bwageze munsi ya 5 % ku buryo hari amashuri amwe n’amwe abarimu birirwamo bonyine bategereje abana, bakabaheba.

Henry Sunday Kosea, Umuyobozi w’ishuri rya Madudu CoU Primary School, yavuze ko mu bana 692, abari kuza ku ishuri ari mbarwa bikaba biteye impungenge mu gihe bitegura ibizamini bisoza amashuri abanza.

Ati “Ejo twakiriye abana 27 gusa, nko mu mwaka wa Gatandatu ho nta munyeshuri n’umwe waje. Kuba benshi mu bana bacu baturuka mu byaro kandi ari ho hamaze igihe haboneka abantu bishwe na Ebola, ubwabyo birivugira.”

Leta yatangaje ko iri mu bukangurambaga kugira ngo ababyeyi basubize abana ku mashuri kuko bashyizeho uburyo bwose bushoboka butuma abana barindwa Ebola.

Ababyeyi muri Uganda batangaje ko batizeye umutekano w'abana babo muri iki gihe igihugu cyugarijwe na Ebola

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .