00:00:00 IGIHE NETWORK KN KINYARWANDA EN ENGLISH FR FRANCAIS

U Bufaransa bwaburiye Mali ku bacanshuro b’Abarusiya ishaka kwinjiza

Yanditswe na Bukuru JC
Kuya 15 Nzeri 2021 saa 09:55
Yasuwe :
0 0

Minisitiri w’Ingabo mu Bufaransa, Florence Parly, yaburiye Mali ishaka gusinyana amasezerano na Sosiyete icunga Umutekano y’abacanshuro yo mu Burusiya.

Florence Parly yavuze ko gukorana n’abo bacanshuro bizashyira mu kaga umuhate u Bufaransa bwari bufite mu guhashya imitwe y’iterabwoba mu gace ka Sahel, Mali ibarizwamo.

Hashize iminsi hari amakuru y’uko Mali igiye gusinyana amasezerano na Wagner Group, Sosiyete y’Umutekano y’Abarusiya ikunze kwifashishwa mu bijyanye n’umutekano mu bihugu bitandukanye bya Afurika.

Parly yavuze ko ayo masezerano naramuka abayeho azaba ateye impungenge, by’umwihariko ku mbaraga u Bufaransa bwari buri gushyira mu bikorwa byo guhashya imitwe y’iterabwoba.

Wagner bivugwa ko ikorana na byinshi mu bihugu bya Afurika, mu gihe u Burusiya buri gukora ibishoboka byose ngo bugire ijambo kuri uwo mugabane. Iyo sosiyete yavuzwe mu minsi yashize muri Centrafrique.

Abacanshuro ba Wagner Group bamaze igihe bakorana na Centrafrique

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .