Raporo iherutse gukorwa na Komisiyo y’Inteko Ishinzwe Ubuzima, yagaragaje ko abakobwa bari hagati y’imyaka 14 na 24 muri Tanzania bakoresha cyane ibinini n’indi miti ibafasha kudasama, aho gukoresha agakingirizo kabarinda no kwandura indwara zifatira mu myanya ndangagitsina.

BBC yatangaje ko biteye impungenge kuko bishobora kwenyegeza ubwiyongere bw’ubwandu bwa virusi itera SIDA n’izindi ndwara zifatira mu myanya ndangagitsina.

Ubushakashatsi bwagaragaje ko agakingirizo karinda uwagakoresheje kwandura indwara zandurira mu gukora imibonano mpuzabitsina ndetse kagatuma umuntu adasama.

Abadepite basabye ko abantu bacuruza indi miti yo kuboneza urubyaro bategekwa kujya baha udukingirizo tw’ubuntu abaje kubahahira, kugira ngo abadukoresha biyongere.

Muri miliyoni 60 zituye Tanzania, abantu bagera kuri miliyoni 1.7 bafite ubwandu bwa virusi Itera SIDA.