Abapfuye kuri uyu wa Gatandatu barimo abarwanyi batatu b’umutwe w’inyeshyamba wa Maï-Maï n’abasirikare babiri ba Leta, nk’uko Radio okapi yabitangaje.

Bivugwa ko icyo gitero cyagabwe n’umutwe wa Maï-Maï-Baraka, nyuma y’uko bagenzi babo batawe muri yombi bashinjwa guca umutwe umusirikare wa Leta tariki 21 Ugushyingo 2022.

Umuvugizi w’ibikorwa bya gisirikare muri ako gace ka Butembo, capitaine Anthony Mualushayi, yavuze ko hari udutsiko tw’abitwaje intwaro twamaze kwinjira muri Butembo, ariyo mpamvu bagomba gukora ibishoboka byose uwo mujyi ukagira amahoro.

Igisirikare cya RDC cyatangaje ko Butembo yinjiwemo n'udutsiko tw'abantu bitwaje intwaro bashaka guhungabanya umutekano