00:00:00 IGIHE NETWORK KN KINYARWANDA EN ENGLISH FR FRANCAIS

RDC: Haranugwanugwa iburizwamo ry’umugambi mubisha ku butegetsi bwa Tshisekedi

Yanditswe na Dufitumukiza Salathiel
Kuya 9 February 2022 saa 09:43
Yasuwe :

Umuvugizi w’Ibiro bya Perezida wa Repubulika Iharanira Demokarasi ya Congo, Kasongo Mwema, yatangaje ko inzego z’iperereza zabonye "ibimenyetso bifatika" biganisha ku mugambi wo guhungabanya umutekano w’igihugu.

Mu ijambo yanyujije kuri Televiziyo y’Igihugu ku wa Kabiri, tariki 8 Gashyantare 2022, Mwema yavuze ko ibikorwa nk’ibyo bigerageza guhungabanya demokarasi bitazihanganirwa.

Yashimangiye ko iperereza rigikomeje kandi ibintu byasubijwe ku murongo.

Nta makuru atomoye aratangwa kuri ibyo bikorwa ngo hasobanuke ibyo ari byo n’abari babifitemo akaboko, ariko ku wa Gatandatu w’Icyumweru gishize François Beya usanzwe ari Umujyanama wihariye mu bya gisirikare wa Perezida Félix Tshisekedi, yatawe muri yombi atangira guhatwa ibibazo.

Itabwa muri yombi rye ryanahuriranye n’uko Perezida Tshisekedi yahise ava i Addis Ababa igitararaganya aho yari yitabiriye Inama y’Abakuru b’Ibihugu bya Afurika Yunze Ubumwe; bikavugwa ko yahawe amakuru ko hashobora kuba hategurwaga umugambi wo kumuhirika.

Kuva uwo munsi kugeza ejo ku wa Kabiri inzego zose zari ziri gukora bucece nta biratangazwa.

Bivugwa ko Beya amaze gutabwa muri yombi hari abigabije imihanda bigaragambya barimo n’abo mu Ishyaka rya Perezida Tshisekedi.

Magingo aya uruhande rwa Beya ntacyo ruratangaza.

Haranugwanungwa iburizwamo ry'umugambi mubisha ku butegetsi bwa Perezida Tshisekedi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .