00:00:00 IGIHE NETWORK KN KINYARWANDA EN ENGLISH FR FRANCAIS

Kenya: Polisi yaburijemo igitero cy’iterabwoba ku munsi ubanziriza Ubunani

Yanditswe na Bukuru JC
Kuya 4 Mutarama 2023 saa 05:15
Yasuwe :

Umunsi umwe mbere y’uko hizihizwa umwaka mushya wa 2023, Polisi yo muri Kenya yataye muri yombi abantu babiri ubwo berekezaga mu gace ka Kwale, igikorwa cyakijije ubuzima bw’Abanya-Kenya benshi bashoboraga kwibasirwa n’igitero gikomeye.

Abatawe muri yombi ni abagabo babiri, Musab Abdulnasir Kassim na Mistwah Abdulnasir Kassim bivugwa ko bari bafite imbunda nto yakorewe muri Autriche yari irimo amasasu 15.

Inkuru ya Daily Nation ivuga ko byaje gutahurwa ko abo bombi bari ibyihebe byari bifite umugambi wo kuburizamo ibirori by’Ubunani binyuze mu kugaba igitero cy’iterabwoba ahantu hahurira abantu benshi mu gace ka Diani.

Iri tabwa muri yombi ry’aba bagabo ryanafashije gufata umugore witwa
Aisha Abdalla Musa mu gace ka Kizingo i Mombasa, Polisi ivuga ko yari afitanye imikoranire na bo. Abo babiri bari bagiye guhura na bagenzi babo babiri batazwi.

Musa yatawe muri yombi ku wa 1 Mutarama 2023 ahagana saa kumi n’imwe z’umugoroba. Uko ari batatu bari gufasha polisi mu bikorwa by’iperereza.

Polisi ya Kenya yaburijemo igitero cy’iterabwoba ku munsi ubanziriza Ubunani

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .