00:00:00 IGIHE NETWORK KN KINYARWANDA EN ENGLISH FR FRANCAIS

Mozambique: Inyeshyamba zikomeje gukubitwa incuro

Yanditswe na Bukuru JC
Kuya 27 Nyakanga 2021 saa 08:09
Yasuwe :
0 0

Ingabo za Mozambique zifatanyije n’iz’u Rwanda, zakuye mu birindiro abarwanyi b’umutwe w’iterabwoba ukorera mu Ntara ya Cabo Delgado.

Amakuru dukesha BBC avuga ko izi ngabo zirukanye aba barwanyi mu birindiro biri mu gace kitwa ‘Awasse’. Hari nyuma y’ibitero bikomeye byagabwe ku Cyumweru kugera ku wa Mbere.

Bivugwa ko iyi mirwano yaguyemo inyeshyamba nubwo hatatangajwe umubare wazo.

Kuba aka gace kafashwe bivuze ko gufata umujyi wo ku cyambu wa Mocimboa da Praia uri mu maboko y’abo barwanyi kuva muri Kanama 2020, nabyo biri hafi.

Amakuru avuga kandi ko abasirikare 100 b’u Rwanda boherejwe gutabara ku biro by’ubutegetsi by’ahitwa Chai mu karere ka Macomia muri Cabo Delgado, aho bivuga ko inyeshyamba zateye.

Aya makuru avuzwe nyuma y’andi yacicikanye mu bitangazamakuru byo muri Mozambique, ko ku wa 20 Nyakanga Ingabo z’u Rwanda zarashe inyeshyamba mu gace ka Palma zica izigera kuri 30 mu gihe izindi zahunze zigana ku mupaka uhuza Mozambique na Tanzania.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .