00:00:00 IGIHE NETWORK KN KINYARWANDA EN ENGLISH FR FRANCAIS

Burkina Faso: Kabore yanze kwitaba inama yatumijwe n’abamuhiritse

Yanditswe na Rosine Ingabire
Kuya 10 July 2022 saa 08:08
Yasuwe :

Roc Marc Kabore wahoze ayobora Burkina Faso yanze kwitabira inama yatumijwe n’abamuhiritse ku butegetsi, yari igamije kwiga ku hazaza h’igihugu n’ibibazo bya politiki gihanganye nabyo.

Ni inama yitabiriwe na Blaise Compaore na we wahoze ayobora icyo gihugu, yabereye mu murwa mukuru Ougadougou.

Kabore yatangaje ko atabashije kwitabira kuko abamushyigikiye baramukiye ku rugo rwe, bigaragambyaga basaba ko atakwitabira.

Mu bandi bayoboye Burkina Faso batabashije kwitabira iyo nama barimo Isaac Zida wafashe ubutegetsi mu 2014 ubu akaba asigaye aba mu buhungiro muri Canada na Michel Kafando wayoboye hagati ya 2014 na 2015.

Sandaogo Damiba wafashe ubutegetsi yatangaje ko icyatumye batumiza iyo nama ari ukugarura ubumw emu gihugu.

Damiba yavuze ko Kafando atabashije kwitabira kubera ko ubuzima bwe butifashe neza naho Zida akazi katamworoheye.

Ubutegetsi bwa Kabore bwahiritswe muri Mutarama uyu mwaka.

Kabore ntabwo yitabiriye inama yatumijwe n'abamuhiritse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .