Abaye umwe mu bakandida bakomeye bazahatana mu matora adasanzwe, aho Perezida uriho Alassane Ouattara yatangaje ko atazitabira.
Kuri uyu wa Gatandatu, Bedie yabwiye abayoboke b’Ihuriro rye PDCI-RDA ko yishimiye kuba baramusabye kubahagararira mu matora ateganyijwe uyu mwaka.
Uyu mukambwe w’imyaka 86 yayoboye Côte d’Ivoire guhera mu 1993 kugeza mu 1996. Mu mwaka wa 2005, ishyaka rye PDCI ryihuje na RDR rya Ouattara bagamije kuzana impinduka mu gihugu.
Uko kwihuza kwagejeje Ouattara ku ntsinzi yo mu 2010, na manda ya kabiri yatsindiye mu 2015 icyakora muri Nzeri 2018 ayo mashyaka yaje gucikamo ibice.
Bedie mu matora azaba ahanganye n’umukandida watanzwe n’ishyaka rya Ouattara ari we Amadou Gon Coulibaly usanzwe ari Minisitiri w’Intebe.
Bedie yayoboye Côte d'Ivoire guhera mu 1993 kugeza mu 1996
TANGA IGITEKEREZO