00:00:00 IGIHE NETWORK KN KINYARWANDA EN ENGLISH FR FRANCAIS

Abapolisi 12 ba Kenya bakurikiranyweho ibyaha byibasiye inyokomuntu nyuma y’amatora ya 2017

Yanditswe na Bukuru JC
Kuya 29 Ukwakira 2022 saa 11:15
Yasuwe :

Ubushinjacyaha bwatangaje ko abapolisi 12 bo muri Kenya bagiye gukuriranwaho ibyaha byibasiye inyokomuntu nyuma yo kwibasira abantu mu myigaragambyo yakurikiye amatora yo mu 2017.

Ibyo byaha birimo gufata ku ngufu, ubwicanyi n’iyicarubozo no kwica umwana w’amezi atandatu nk’ikimenyetso cy’ubuhubutsi bwa polisi mu bihe bya nyuma y’amatora.

Umuyobozi mu rwego rw’Ubushinjacyaha yavuze ko abapolisi bakuru 12 ari bo bakurikiranyweho ibyo byaha.

Abantu benshi bishwe mu mezi ane bigizwemo uruhare na polisi nyuma y’amatora ya perezida ataravuzweho rumwe muri Kanama 2017.

Komisiyo y’Uburenganzira bwa Muntu muri Kenya yagaragaje ko abantu 94 ari bo bishwe muri icyo gihe mu gihe abagore 201 bakorewe ihohoterwa rishingiye ku gitsina naho abarenga 300 barakomereka ahanini bigizwemo uruhare n’inzego zishinzwe umutekano.

Ubushinjacyaha bwatangaje ko ibyo byaha byabaga byateguwe. Bugaruka ku rupfu rw’uruhinja rwitwa Samantha Pendo bwavuze ko rwapfuye nyuma yo gukubitwa na polisi mu Burengerazuba bw’Umujyi wa Kisumu, ubwo nyina yari amufite mu biganza umutwe ukajanjagurika nk’uko byagaragajwe n’ibyavuye mu isuzuma ry’umurambo.

Mu 2019 abapolisi bane bahamwe n’ibyaha byo kwica uwo mwana ariko ntibigeze bafungwa nk’uko bari bakatiwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .