00:00:00 IGIHE NETWORK KN KINYARWANDA EN ENGLISH FR FRANCAIS

Abapilote ba Kenya Airways bagiye kwigaragambya banga gutwara indege

Yanditswe na Rosine Ingabire
Kuya 2 Ugushyingo 2022 saa 08:38
Yasuwe :

Amakuru aturuka muri Kenya aravuga ko abapilote ba Kenya Airways bashobora kwigaragambya bakanga gutwara indege by’umwihariko mu murwa mukuru, Nairobi.

Aba bapilote barasaba ubuyobozi bw’iki kigo gusubukura gahunda yo kubatangira imisanzu mu kigega cy’ubwiteganyirize yari yarahagaritswe mu gihe cya Covid-19.

Kenya Airways yo yatangaje ko nta mikoro ifite yo gusubukura gutanga iyo misanzu, ko bizashoboka rwagati mu mwaka utaha.

Iyi sosiyete y’indege imaze hafi imyaka icumi ikorera mu bihombo ndetse menshi mu mafaranga ikoresha aturuka muri Guverinoma ari nayo munyamigabane mukuru.

Kenya Airways yatangaje ko abapilote baramutse bigaragambije, buri munsi yajya ihomba miliyoni 2.5 z’amadolari.

Biteganyijwe ko mu ijoro ryo kuri uyu wa Gatatu aribwo abo bapilote bashobora gutangira imyigaragambyo, bagahagarika ingendo zose bafite.

Abapilote ba Kenya Airways bagiye kwigaragambya banga gutwara indege guhera mu ijoro ryo kuri uyu wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .